كل المميزات في صفحة واحدة

وصّل محلك بضغطة واحدة بحزمة .mcpb لتطبيق Claude Desktop، أو لينك واحد لـ ChatGPT وclaude.ai، أو أمر Gemini CLI، وملف SKILL.md و/.well-known/mcp.json. اسأل بالعامية أو بالإنجليزي عن مبيعات النهارده والإلغاءات والصلاحيات والهامش — قراءة فقط 100%.

أونلاين: بيزنس والسلسلة (وجوه الـ 14 يوم تجربة مجانية)

بتسجّل ثواني التحضير لكل مرحلة جوه المطبخ وتنبّه على أي تأخير، وتعرض رسوم بيانية لأسرع وأبطأ شيف وجرسون بمحورين للفلوس (بالجنيه) والوقت (بالثواني).

أونلاين: بيزنس والسلسلة · على جهازك: الذهبية والبلاتينية

جرس فوري على تابلت الويتر أول ما الطلب يجهز في المطبخ، وتحويل الطاولة الفاضية لحالة «محتاجة تنضيف»، وتقسيم الشيك بالكرسي أو تقسيم صنف واحد على 3 ضيوف (1/3 لكل واحد).

أونلاين: محل وفوق · على جهازك: الذهبية والبلاتينية

الزبون يمسح QR الطاولة عشان يطلب ويدفع ويتابع حالة تحضير طلبه في المطبخ لايف؛ والأختام والنقاط بتتحدّث فوراً على كارت الولاء الرقمي الفوري على متصفح الموبايل بالـ QR من غير تحميل تطبيقات.

أونلاين: محل وفوق · على جهازك: الذهبية والبلاتينية

بيخصم جرامات ومليلترات المواد الخام تلقائياً مع كل وجبة أو مشروب يتباع، ويقارن الاستهلاك النظري للرسبي بالجرد الفعلي لكشف الهدر والسرقة أوتوماتيك.

أونلاين: بيزنس والسلسلة · على جهازك: الذهبية والبلاتينية

ربط مباشر مع Power BI أو تصدير جاهز بضغطة واحدة لـ Excel وCSV وZoho Books وQuickBooks مع فلترة دقيقة بالتاريخ والساعة والدقيقة (HH:mm).

أونلاين: محل وفوق · على جهازك: الفضية وفوق

صيدليات FEFO وبدائل المادة الفعالة، عروض السوبر ماركت BOGO والهابي آور، طلبيات المطبخ المركزي، مطالبات مرتجع الموردين RTV، إعادة الطلب الذكي Auto-PO، تايمر الطاولات والبلايستيشن والبلياردو والمينيمم تشارج بالساعة، تاج المغسلة والدراي كلين ومراكز الصيانة، عمولة الكوافير والصالونات وتقسيم الإكرامية، دفتر الكوبونات المسبق الدفع للمياه والوجبات والصالونات، سجل حرارة الثلاجات والنسخ الاحتياطي على فلاشة USB، توليد باركود بدون تعارض، إيداع الخزنة Safe Drops، بوابة ائتمان الجملة B2B، تسعير الجرام للمقلة والذهب، فواتير لا ورقية، تسجيل حضور تلقائي بدخول الكاشير، وفاحص درج النقدية الشامل (Seethings/ESC-POS).

أونلاين وعلى جهازك: الفضية وفوق / كاشير وفوق

بيمنع السكرين شوت المكررة أو القديمة على الكاشير عن طريق فحص رقم مرجع التحويل عبر الورديات وتاريخ المحل قبل طباعة الفاتورة، مع كشف مطابقة في تقرير Z.

أونلاين وعلى جهازك: كل الباقات

بتحسب ضريبة حجم الأعمال المبسطة للمشروعات الصغيرة حسب قانون 6 لسنة 2025 (0.4% لـ 1.5% لحد 20 مليون جنيه) جنب ضريبة الـ 22.5% على صافي الربح وتنبيهات حد تسجيل القيمة المضافة 14%.

أونلاين: محل وفوق · على جهازك: الفضية وفوق

بيخفي الرصيد المتوقع وقت تقفيل الوردية عشان الكاشير يعدّ الفئات عمياني؛ ويسجّل فتح الدرج بدون بيع وحذف السطور والإلغاءات لكل كاشير ويبعت تنبيه لصاحب المحل.

أونلاين: كاشير وفوق · على جهازك: الفضية وفوق

بتحفظ باقي الفكة (2 أو 3 أو 4.5 جنيه) على رقم موبايل العميل بضغطة واحدة وقت نقص الفكة، وتخصمها تلقائياً في الفاتورة الجاية.

أونلاين: كاشير وفوق · على جهازك: الفضية وفوق

بيفكّ كرتونة أو شرنك لقطع فردية تلقائياً لما رصيد القطع يصفّر على الكاشير، وبيتعرّف لوحده على تركيبة باركود الميزان (20 لـ 29) بالوزن أو السعر.

أونلاين: محل وفوق · على جهازك: الفضية وفوق

توزيع الطلبات على طيارين الدليفري ومتابعة عهدة الفكة وتصفية الكاش آخر الشفت، مع قوائم أسعار متعددة وحساب صافي ربح التغليف والتوصيل ومصفوفة هندسة المنيو، وبدالة الفروع المركزية لتوجيه الطلبات.

أونلاين: محل وفوق (بدالة الفروع ومصفوفة المنيو: بيزنس) · على جهازك: الذهبية والبلاتينية

تتبّع سيريال وIMEI الموبايلات والأجهزة بالضمان، وتوليد مصفوفة مقاسات وألوان الملابس، وإدارة طلبات «حجز بعربون»، والاستيراد بضغطة واحدة من فودكس ودفترة وإكسل.

أونلاين وعلى جهازك: الفضية وفوق / كاشير وفوق (النقل والاستيراد: كل الباقات)

للمقاولين والتشطيب والصيانة والوكالات والورش والحفلات والمطابع: كل شغلانة طويلة مشروع بعميل وموقع وقيمة عقد وميزانية متقسّمة على مراحل؛ ومهام بقوايم مراجعة وتعليقات على لوحة من أربع عواميد.

أونلاين: موجودة في بيزنس والسلسلة؛ ولمحل كإضافة بـ 300 جنيه في الشهر

الساعات بتتكتب من صفحة الموبايل أو ابدأ الشغل / خلّص الشغل؛ وتكلفة الساعة من مرتب الموارد البشرية أو مرتب ملف الموظف أو سعر؛ وكشف ساعات أسبوعي يتعتمد أو يترجّع. واللي في الموقع عمره ما يشوف الفلوس.

أونلاين: مع المشاريع

على المراحل، أو نسبة الإنجاز (٪ من العقد)، أو بالوقت والخامات بنسبة زيادة؛ والمحتجز بيتخصم من كل فاتورة شغل وبيتصرف في الآخر، والمقدم بيتخصم بالنسبة؛ ومعاينة قبل ما تطلّعها؛ عن طريق الحسابات أو حساب العميل.

أونلاين: مع المشاريع (فاتورة ضريبية في الحسابات لو شغالة)

لكل مشروع ولكل مرحلة: التكاليف من المصروفات والمخزن والموردين، والعمالة، واللي اتفوتر واللي اتدفع، والهامش ونسبته؛ وعدد المتأخر واللي عدّى الميزانية، وتنبيهات، وتقرير CSV أو Excel، و«اسأل محلك»: «مشاريعي عاملة إيه».

أونلاين: مع المشاريع

كل مكنة ورف وعربية وكمبيوتر بكود (FA-000123) بيتطبع ملصق باركود، وصورة، ومكان، وتكلفته وعمره وطريقته وسيرياله وضمانه، وحالته. وصفحة الأصول القديمة في الحسابات اتنقلت جواه بنفس القيم الدفترية.

أونلاين: موجودة في بيزنس والسلسلة (محتاجة الحسابات)؛ ولمحل كإضافة بـ 200 جنيه في الشهر لما الحسابات تبقى موجودة

قسط ثابت أو متناقص، وأول وآخر شهر بالأيام؛ وكل شهر معاينة، وبعدين قيد لكل فرع فيه سطر لكل فئة، وعمره ما يتكرر؛ وبعد أول مرة بيشتغل لوحده.

أونلاين: مع الأصول الثابتة

البيع أو التخلص بالإهلاك لحد اليوم والمكسب أو الخسارة والضريبة؛ والنقل بين الفروع؛ وإعادة التقييم وهبوط القيمة؛ والجرد بمسح الأكواد بكاميرا الموبايل: اتلاقى، وناقص، ومن مكان تاني.

أونلاين: مع الأصول الثابتة (النقل بين الفروع: السلسلة)

طلبات الشراء، والموافقة أو الترجيع للتعديل، وأمر الشراء من الطلب، وفاتورة المورد بتتطابق مع الأمر والتوريدات، وفواتير محتاجة مراجعة، وأعمار ديون الموردين، وشاشة رئيسية للمشتريات — على جهاز واحد ومن غير نت. وعروض الأسعار بلينك بتفضل أونلاين.

على جهازك: الذهبية والبلاتينية، من نسخة 5.7.0

الاشتراك ← الباقة ← «موديولات إضافية»: كل موديول باقتك تقدر تضيفه، وسعره في الشهر، ومحتاج إيه، وزرار اشتري والغي؛ والإعدادات ← الموديولات بتوصّلك ليها. والإلغاء بيقفل الموديول على طول ومابيمسحش حاجة.

أونلاين: صاحب المحل، في الباقات اللي تقدر تضيف موديول

الإعدادات ← الموديولات: كارت لكل موديول — فيه إيه، وبيتحسب إزاي، ومفتاح. المقفول صفحاته بتختفي من القوايم ومن Ctrl+K ومفيش حاجة بتتمسح؛ وبيقولك إيه لازم يشتغل الأول؛ ولكل فرع.

أونلاين: كل الباقات (كل موديول حسب باقته)

اللي عنده الصلاحية بيطلب بضاعة بسبب وميعاد؛ ولكل فرع مبلغ بيتوافق عليه على طول ومبلغ محتاج موافقتين؛ وميزانيات شهرية لكل قسم، مرنة أو ملزمة؛ وصندوق للموافقات.

أونلاين: موجودة في بيزنس والسلسلة؛ ولمحل كإضافة بـ 300 جنيه في الشهر

لحد 8 موردين، كل واحد بلينك بتاعه تبعته من واتساب بتاعك؛ بيكتبوا السعر والكمية والميعاد ومابيشوفوش تكاليفك. جنب بعض والأرخص متعلّم؛ و«اختار» بيعمل أمر الشراء.

أونلاين: موجودة في بيزنس والسلسلة؛ ولمحل كإضافة بـ 300 جنيه في الشهر

التالف بيترفض على الباب، والزيادة والنقص، والتشغيلة والصلاحية؛ وفاتورة المورد بتتراجع على أمر الشراء والاستلام — جوه الحد المسموح بتترحّل، وبره بتستنى في «فواتير محتاجة مراجعة».

أونلاين: موجودة في بيزنس والسلسلة؛ ولمحل كإضافة بـ 300 جنيه في الشهر

اللي عليك لكل مورد حسب أيام التأخير، ولكل مورد: بيوصل في ميعاده، ونسبة اللي بيبعته، والسعر قصاد الأوامر، والتالف. وتنبيهات للأوامر المتأخرة والفواتير اللي ماطابقتش.

أونلاين: مع إدارة المشتريات

أرضية المحل، ومخزن، ومخزن رئيسي (من غير فرع زيادة تدفع عليه)، وعربية، وبضاعة أمانة — لحد 50 مكان برفوف وحد أدنى وأقصى لكل صنف.

أونلاين: موجودة في بيزنس والسلسلة؛ ولمحل كإضافة بـ 300 جنيه في الشهر

طلب، وتجهيز بقارئ باركود أو كاميرا الموبايل، وخروج بإذن مترقّم عليه QR، واستلام على دفعات؛ والنقص والتالف والزيادة بيسوّيهم مدير.

أونلاين: مع المخازن (في الطريق بين الفروع: السلسلة)

التشغيلات بتمشي بصلاحيتها وتكلفتها؛ والسيريالات بتتستلم واحد واحد ومابتتكررش؛ والسحب بيلاقي التشغيلة أو السيريال في كل مكان، وفي الطريق، وفي الفواتير اللي اتباعت فيها.

أونلاين: مع المخازن

اجرد مكان أو قسم أو رف (أعمى للموظفين، والمدير بيوافق على الفرق)؛ وقيّم كل مكان بالتكلفة ومعاه اللي في الطريق؛ وعبّي من المصدر لحد الحد الأقصى.

أونلاين: مع المخازن

اربط شركاتك ومحلاتك: لوحة واحدة من غير البيع اللي بينهم، وأرباح وخساير وميزانية للمجموعة من حسابات كل واحد، والضريبة جنب بعض، وتحويلات بسعر متفق عليه، واسأل المجموعة.

أونلاين: السلسلة (وأي باقة تقدر تنضم لمجموعة)

قيد مبيعات اليوم لكل فرع، وعملاء الأجل وفواتيرهم وإشعاراتهم ودفعاتهم بيروحوا برنامج المحاسب لوحدهم، كل واحد مرة — من غير ما يعدّل اللي موجود.

أونلاين: بيزنس والسلسلة

بحساب Paymob بتاعك: «ادفع أونلاين» في المتجر الأونلاين جنب الدفع عند الاستلام، ولينكات دفع من دفتر الأجل، والمرتجع، وكشف الحسابات بتستورده. ومابناخدش حاجة على أي دفعة.

أونلاين: بيزنس والسلسلة

بيرد من ملاحظاتك وإجاباتك، وبيكتبلك الأسئلة اللي ماعرفش يجاوبها، وبيفتكر كل زبون باختصار، وبيتابع المواضيع المفتوحة كحالات، وردوده قصيرة وصريحة.

أونلاين: إضافة على بيزنس والسلسلة بـ 750 جنيه في الشهر

واتساب محلك بيرد من أصنافك وأسعارك ومخزونك ومواعيدك الحقيقية: طلبات مكتوبة، وريكوردات، وصور ورق الطلبات، وحجوزات. والزبون هو اللي بيأكّد، والطلب بيوصل الكاشير والمطبخ، والموظف يمسك المحادثة بدوسة.

أونلاين: إضافة على بيزنس والسلسلة بـ 750 جنيه في الشهر

حط لينك التقييم مرة واحدة: كل فاتورة بيع بتخلص بـ«مبسوط مننا؟ امسح الكود وقيّمنا» والكود، وفاتورة الواتساب فيها لينك «قيّمنا».

كل الباقات: أونلاين وبرنامج الكاشير والبرنامج على جهازك

صفحة فاتورة الزبون بتعرض عليه طلب الأسبوع اللي فات تاني: في سلة متجرك الأونلاين بأسعار النهارده، أو كود الكاشير يمسحه فالسلة تتملي.

أونلاين: كل الباقات (في المتجر الأونلاين: بيزنس والسلسلة، أو بالإضافة)

الزبون يطلب مرتجع (الأصناف والسبب وصورة) أو يسأل سؤال من لينك الفاتورة؛ والكاشير بيظهر عليه «طلبات الزباين»، والموظف يقبل أو يرفض أو يرد، والزبون بيشوف الرد في نفس الصفحة.

أونلاين: كل الباقات

لما التكلفة تيجي أغلى 10٪ من المرة اللي فاتت (أو النسبة اللي انت تحددها)، السطر بيقولك هامشك بقى كام والسعر اللي يحافظ عليه — ودوسة تطبّقه. وحد أدنى للهامش بيجمعلك الأصناف المضغوطة.

أونلاين: محل وفوق · على جهازك: الفضية وفوق

اللي ماتباعش من 45 يوم (أو المدة اللي تختارها)، والفلوس اللي نايمة فيه بالتكلفة، وآخر بيعة، وتعمل إيه: خصم، أو عرض مع صنف تاني، أو مرتجع للمورد، أو توقف طلبه. على الداشبورد وفي ملخص أسبوعي وفي تنبيهات صاحب المحل.

أونلاين: محل وفوق · على جهازك: الفضية وفوق

جنب كل صنف راكد: الفروع التانية اللي بيتباع فيها، ومخزونها يكفي كام يوم، والكمية اللي تتبعت — و«اعمل تحويل» بيطلّع إذن التحويل بنمرته.

أونلاين: فرعين أو أكتر (التحويلات في السلسلة)

صوّر قايمة أسعار المورد: قارئ الفواتير بيقرا السطور، وانت بتشوف تكلفة القطعة الجديدة والفرق والسعر اللي يحافظ على هامشك، وتعلّم على اللي تطبّقه. وأوامر الشراء بتبدأ من القايمة.

أونلاين: مع قارئ الفواتير — كل صفحة قراية من قراياته

السبت الصبح، ريكورد دقيقة عن الأسبوع اللي فات: المبيعات قصاد الأسبوع اللي قبله، وأحسن يوم، والأكتر مبيعاً، واللي قرّب يخلص والراكد — وحاجة واحدة تعملها. في البرنامج وعلى تليجرام وبالإيميل.

أونلاين: محل وفوق، مع تنبيهات صاحب المحل

شاشة المنيو تقدر تعرض أحسن تلاتة في الفريق بين صفحات المنيو: منصة، والاسم الأول، وميدالية لكل واحد — والفلوس مستخبية إلا لو انت عايز. مقفولة لحد ما تشغّلها لكل شاشة.

أونلاين: بيزنس والسلسلة (شاشات المنيو)

دوسة واحدة بتملا المحل الجديد بأصناف وزباين وموردين و25 يوم فواتير من نوع شغله، فالتقارير والتنبيهات يبقى عندها حاجة تعرضها؛ ودوسة تانية بتشيل ده بالظبط. وأول فاتورة حقيقية برضه رقمها 1.

أونلاين: كل الباقات، لمحل لسه مابعش

السؤال اللي مش في القايمة الثابتة بيروح للذكاء الاصطناعي بتاعك، وهو بيقرا تقارير المحل نفسها بصلاحياتك انت وبيكتب تحت الإجابة استخدم إيه.

أونلاين: محل (20 سؤال في اليوم)، بيزنس (50)، السلسلة (100)

كارت الولاء والأختام الرقمي الفوري بيفتح بالـ QR في متصفح أي موبايل من غير تحميل تطبيقات، وبيحدّث الأختام والنقاط بعد كل زيارة، وشغال في البرنامج على جهازك كمان.

أونلاين: محل وفوق · على جهازك: الذهبية وفوق

برنامج الكاشير لتابلت وأجهزة أندرويد (سامسونج وSunmi وiMin): نفس الكاشير الأونلاين، بيبيع والنت قاطع وبيبعت بعدين، بطابعة USB أو بلوتوث أو الطابعة اللي جوه الجهاز، والكاميرا قارئ باركود.

مع PosMasr أونلاين، أندرويد 9 وطالع

المغاسل والترزية ومحلات الصيانة على البرنامج اللي على جهازك: الاستلام من السلة، وإيصال الاستلام وتيكتات القطع، واللوحة، والتسليم بيعة عادية والعربون بيتخصم — ولو التسليم اتلغى القطع والعربون بيرجعوا للأوردر.

على جهازك: الفضية وفوق (أونلاين: كاشير وفوق)

مين عليه كام ومن إمتى، والمواعيد اللي وعد يدفع فيها، وحد الأجل على الكاشير (تنبيه أو منع)، وكشف الحساب المطبوع، ولستة يومية لتذكير واتساب بذوق — في البرنامج اللي على جهازك.

على جهازك: الفضية وفوق (أونلاين: كاشير وفوق)

عروض أسعار وفواتير وفواتير موردين ومصروفات والبنك وملخص ضريبة الـ 14٪ — ومبيعات الكاشير بتدخل لوحدها كل ربع ساعة. كلام بسيط ليك، والقيود على بعد دوسة لمحاسبك.

أونلاين: بيزنس والسلسلة

صفحة حجز لمحلك الزبون يختار منها الخدمة والشخص والميعاد — للصالونات والعيادات ومغاسل العربيات والاستوديوهات وطاولات المطاعم. والزيارة بتخلص بيعة عادية على الكاشير.

أونلاين وبرنامج الكاشير: بيزنس والسلسلة

ملفات الموظفين وورقهم، والإجازات، والحضور برقم سري أو كارت أو موبايل أو جهاز بصمة (بملف أو على الشبكة)، وجدول الأسبوع، ومرتبات بالضريبة والتأمينات المصرية.

أونلاين: محل وفوق، والمرتبات بيزنس والسلسلة · على جهازك: الفضية وفوق، والمرتبات الذهبية وفوق

اسأل ChatGPT أو Claude عن محلك انت — المبيعات والمخزون والفواتير — بمفتاح انت اللي بتعمله وتلغيه في ثانية. قراية بس: مفيش ذكاء اصطناعي يقدر يبيع أو يرجّع أو يغيّر حاجة.

أونلاين: بيزنس والسلسلة

الموظف بيسجّل حضوره وانصرافه برقمه أو كارته على الكاشير، حتى من غير نت؛ وكشف الحضور بيعلّم التأخير والغياب؛ وعمولة بالصنف أو القسم أو التارجت؛ والسلفة صرف من الدرج بيظهر في تقرير Z.

الحضور: أونلاين محل وفوق، وعلى جهازك الفضية · العمولة والسلف: أونلاين بيزنس والسلسلة، وعلى جهازك الذهبية

كارت ولاء على موبايل الزبون: بيشترك برقمه من الـ QR بتاعك، وكل شروة بختم، والكارت لما يكمل بياخد الهدية اللي انت اخترتها. والمرتجع بيرجّع أختامه.

أونلاين وبرنامج الكاشير: محل وفوق

مقدّم وبعده أقساط أسبوعية أو شهرية على حساب الزبون؛ وعربون بيتسجّل فلوس عليك لحد ما البيعة تخلص، ولو حبيت فاتورة ضريبية مقدّمة فالـ 14٪ تتحسب ساعة ما الفلوس تدخل.

أونلاين: كاشير وفوق · على جهازك: الفضية وفوق

أي تليفزيون فيه متصفح يبقى شاشة منيو بعروضك، أو شاشة حالة الطلبات تقول للزبون إن طلبه جاهز. بتربطها بكود من 8 أرقام.

أونلاين: بيزنس والسلسلة

الإلغاء والمرتجع والخصم الكبير والدرج اللي مش مظبوط والدرج اللي اتفتح من غير بيع وجهاز جديد — بتوصلك في البرنامج أو على الإيميل أو تليجرام، وبساعات هدوء.

أونلاين: محل وفوق (تليجرام من بيزنس) · على جهازك: الفضية («محتاج تبصّ عليه»)

اكتب «بعنا كام النهارده؟» — بالعامية أو الفرانكو أو الإنجليزي — والأرقام تجيلك. قواعد ثابتة ومشروحة: السؤال اللي مش مفهوم بياخد أمثلة، عمره ما بياخد رقم متخمّن.

أونلاين: محل وفوق (في تليجرام من بيزنس)

من Excel أو CSV أو تصدير برنامج تاني: الأعمدة بتتطابق لوحدها والسبب ظاهر، وتجربة قبل ما حاجة تتحفظ، وتراجع لحد 30 يوم. وأرصدة الزباين والموردين ورصيد أول المدة كمان — مش الأصناف بس.

الأصناف في كل الباقات · الزباين كاشير وفوق · الموردين والرصيد محل وفوق · وعلى جهازك كمان

استلم الحاجة، اطبع إيصال الاستلام والتيكت، تابعها على لوحة، والزبون يتابعها من QR. والعربون بيتسجّل مقدّم؛ والحاجات اللي محدش جه ياخدها بتظهر عند 30 و60 و90 يوم.

أونلاين وبرنامج الكاشير: كاشير وفوق

طلبيات مقترحة من سرعة بيع كل صنف بجد، متقرّبة للكرتونة، وفي حدود الحد الأدنى للمورد وميزانيتك؛ وتبعتها طباعة أو Excel أو إيميل أو رسالة واتساب.

أونلاين: محل وفوق · على جهازك: الذهبية وفوق

لوحة صلاحية بتقولك إيه اللي مش هيلحق يتباع، وتخفيض على تشغيلة واحدة بملصقاتها، والمنتهي بيتوقف على الكاشير، وورقة مرتجع للمورد وتقرير هالك.

أونلاين: محل وفوق · على جهازك: الذهبية وفوق

اكتب «250 جم» أو «ربع» أو «20 جنيه»؛ ووزن العلبة بيتشال؛ والخلطات المتسجلة بتخصم كل مكوّن من المخزون؛ وشوال البن الأخضر يبقى أكياس محمّصة والهالك والتكلفة بيتنقلوا معاه.

أونلاين: محل وفوق · على جهازك: الفضية وفوق

مين عليه كام ومن إمتى (من 0 لأكتر من 90 يوم)، والمواعيد اللي وعد يدفع فيها، ولينك كشف حساب للزبون، وحد للأجل على الكاشير، وتذكير بذوق — بالإيميل، أو رسالة واتساب جاهزة الكاشير يبعتها بدوسة.

أونلاين: كاشير وفوق

صوّر فاتورة المورد والذكاء الاصطناعي يقراها ويملالك الاستلام تراجعه: كل سطر أخضر أو أصفر أو أحمر، والإجماليات PosMasr بيحسبها بنفسه.

أونلاين: محل (15 في الشهر)، بيزنس (20)، السلسلة (40)

خانة واحدة بتلاقي أي صفحة أو إعداد أو فاتورة أو زبون أو صنف أو حجز وانت بتكتب — ورقم الفاتورة بيوديك عليها على طول.

أونلاين وبرنامج الكاشير: كل الباقات

كل رسالة خطأ ليها لينك صغير للدليل اللي بيشرحها: معناها، وإيه اللي ممكن يكون حصل، وتصلّحها إزاي خطوة بخطوة، بالعامية المصرية أو بالإنجليزي.

في كل حتة: أونلاين وبرنامج الكاشير والبرنامج على جهازك

صانع QR وباركود، وورق ملصقات أسعار، وحاسبة ضريبة وهامش ربح، وعدّاد الدرج، وساعات الوردية، وفاحص الأرقام — ببلاش، في المتصفح، ومن غير تسجيل.

ببلاش للكل

أصنافك أزرار كبيرة مقسّمة أقسام وألوان — دوسة تنزّل الصنف، ودوسة تانية تزوّد العدد.

اكتب جزء من الاسم فالقايمة تتصفّى، أو امسح الباركود والصنف ينزل على طول.

امسح عبوة مش عندك لسه بس الكتالوج يعرفها: نافذة صغيرة بتوريك صورتها واسمها وقسمها وخانة سعر فاضية — Enter بيضيف ويبيع، و F2 بيضيف بس، و Esc بيلغي. والسعر دايماً سعرك؛ والكاشير اللي مالوش صلاحية الأصناف محتاج المدير.

الصنف اللي ليه مخزون بيوريك الباقي بين قوسين، واللي خلص بيبهت — أو يختفي من الشاشة لو حابب.

زوّد أو قلّل الكمية، امسح سطر، أو ابدأ فاتورة جديدة من غير ما تسيب شاشة البيع.

الفاتورة الغلط بتتلغي في اللحظة — بموافقة المدير، والبضاعة بترجع للمخزون.

على سطر واحد أو على الفاتورة كلها، بقيمة أو بنسبة، وبحد أقصى للكاشير — وفوقه لازم المدير يوافق.

اختار الأصناف من أي فاتورة قديمة ورد الفلوس كاش أو على البطاقة أو خصم من الأجل — والبضاعة بترجع وإيصال مرتجع بيتطبع.

افتح الوردية بالعهدة، سجّل الإيداع والصرف بملاحظة، واقفلها بتقرير Z فيه كل رقم في اليوم.

عدّ الفلوس اللي في الدرج والبرنامج بيطبعلك المفروض والمعدود والفرق — فالعجز يبقى ليه اسم ووقت.

بيع بالكيلو والجرام واللتر، وزرار كمية لأي رقم كسري.

ملصقات EAN-13 فيها السعر أو الوزن: مسحة واحدة والكمية الصح بتنزل في السلة.

من غير ماوس خالص: F1 بيعرض مفاتيح الشاشة اللي انت فيها، وكل زرار مكتوب عليه مفتاحه في الركن.

شاشة الدخول بتفتح من غير ما تقفل البرنامج، فالكاشير اللي بعده بيبدأ باسمه هو.

أزرار فئات بتتجمع، وزرار «بالظبط»، والباقي بخط الزبون يقراه وهو واقف مكانه.

طفّي «اسأل عن المبلغ المدفوع» فزرار الدفع بيحفظ الفاتورة على طول — أسرع في وقت الزحمة.

بتتسجّل إنها اتدفعت بالبطاقة: لا باقي، والدرج ما بيفتحش، والفاتورة مكتوب عليها كده.

دوس أجل، اختار الزبون (أو اكتب اسم ورقم جديد) والفاتورة بتتطبع باسمه وبرصيده.

جزء كاش وجزء فيزا على نفس الفاتورة، والتقارير بتفصلهم عن بعض.

كودك بيظهر على شاشة العميل وهو بيطلب، وبيتطبع على الفاتورة كمان لو حابب.

أي طابعة حرارية عادية، USB أو على الشبكة — أو حتى طابعة ويندوز الافتراضية.

اسم المحل وسطر العنوان والتليفون وجملة الشكر ووصف الأصناف — بتتحط مرة وبتتطبع على طول.

عرض منطقة الطباعة وحجم الخط وعرض الشعار وعدد النسخ — لحد ما تطلع مظبوطة بالظبط.

شوف الفاتورة قبل ما تطبعها، واختبار ESC/POS خام لما الطابعة تعاند.

الورق اتقطع، أو الزبون عايز نسخة تانية — زرار واحد تحت السلة.

زرار الفواتير في الشريط اللي فوق، وبحث بيلاقي الفاتورة برقمها أو باسم الزبون أو بالمبلغ وانت بتكتب.

فتحة RJ11 المعتادة في الطابعة، أو وصلة USB/Serial، أو على IP طابعة الشبكة على بورت 9100 مباشرة.

بيجرّب كل أوامر الفتح بنبضات 50 و 120 و 250 مللي ثانية لحد ما تسمع اللي بيفتح درجك.

الاسم والسعر وباركود بيتمسح على كل ملصق، والصنف اللي ملوش باركود البرنامج بيعملّه واحد ويحفظه.

بكرة 3 ملصقات 12×38 مم، وملصق الصيدليات المقسوم، و 40×25 و 50×30 و 60×40 — أو أي مقاس تكتبه. اطبع صنف واحد أو كلهم مرة واحدة.

ضغطة واحدة بتبعت آخر فاتورة كنص لرقم الزبون — والرقم بيتحط لوحده لو الفاتورة على عميل.

كيس عيش أو إزازة مية: البيعة اللي كلها من الأقسام دي بتتسجّل وبتظهر عادي، بس مفيش ورق بيطلع.

سمّيهم، رتّبهم بـ ▲ و▼، ادمج أو امسح قسم — وشاشة البيع بتمشي بنفس الترتيب.

لاقي اللي من غير باركود، من غير سعر، من غير تكلفة، المخفي، الناقص، اللي قرب ينتهي — أو باركود أو اسم مكرر.

حدّد عشرين صنف وانقل قسمهم، أو اخفيهم، أو زوّد السعر بنسبة أو بمبلغ مع تقريب لـ 0.25 أو 0.5 أو 1.

الصنف التاني اللي بنفس الباركود أو نفس الاسم بيتّرفض، والاستيراد بيتخطّاه ويقولك بدل ما يعمل نسخة تانية في صمت.

صدّر القالب، املاه في Excel، واستورده تاني: الموجود بيتحدّث والجديد بيتضاف، والخانة الفاضية بتسيب القيمة زي ما هي.

البرنامج بيلاقي نسخك القديمة على الجهاز لوحده وبيجيب منها الأصناف والأسعار — والنسخة القديمة بتتقرا بس، عمرها ما بتتعدل.

ملف نصي بأي أسماء أعمدة، أو ملف Excel، أو قاعدة بيانات على الجهاز أو على سيرفر عن طريق ODBC، أو نسخة PosMasr قديمة — أربع مصادر في معالج واحد.

التوزيع بييجي مملّي بتخمين، وأول عشرين سطر بتتعرض بالظبط زي ما هينزلوا، والاستيراد اللي هيمس أكتر من 200 صنف بياخد نسخة احتياطية قبل ما يكتب.

البرنامج بيسألك محلك نوعه إيه — بقالة، سوبر ماركت، كافيه، مطعم، صيدلية — وبيبدأ بيك على قايمة على مقاسك.

52,548 صنف بتتباع في محلات مصر، بأسمائها وباركودها وأقسامها — متقسّمين على 59 قسم عربي، و 18,493 منهم معاهم صورة الصنف. ومن غير أسعار: كل محل بيكتب أسعاره.

افتح القايمة الجاهزة، اكتب عشان تدوّر، علّم على اللي محلك بيبيعه وضيفهم — من غير سعر، انت اللي بتكتبه. وبتشتغل من غير نت.

امسح الباركود وانت بتضيف أو بتعدّل صنف، ولو الكتالوج يعرفه الاسم والقسم والوصف وصورة الصنف بيتملوا لوحدهم — وسعرك وتكلفتك ومخزونك وصلاحيتك عمرهم ما بيتلمسوا. وبيشتغل من غير نت.

زرار «توليد» جنب الباركود في شاشة الصنف، أو «باركود لـ N صنف مالهمش باركود» من الإجراءات الجماعية — وبعدها تطبع ملصقاتهم على طول. الأكواد من نطاق المحل وبتبدأ بـ 2، فمستحيل تتكرر مع باركود منتج حقيقي أو ملصق ميزان. ومحتاج باركود أو ملصقات من غير البرنامج؟ جرّب صانع الباركود وورق الملصقات المجانيين.

بيتحمّل مرة واحدة كملف واحد مشفّر (حوالي 70 ميجا، في الخلفية)؛ وبعدها الاختيار والبحث بالباركود و«امسح وضيف» بيشتغلوا من غير نت. ومفتاحه متطلّع لجهازك انت بس، فالملف لو اتنسخ مابيفتحش في حتة تانية، وبيدوّر على كتالوج أحدث مرة في اليوم بالكتير.

الكتالوج موجود لأن المحلات بتشارك قوايم أصنافها، فالاختيار منه والبحث بالباركود للمحلات اللي بتشارك قايمتها: النسخة اليومية عند PosMasr شغالة، وأصنافك مش مستبعدة من الكتالوج المشترك.

حدّد سطرين أو أكتر وشاشة الصنف العادية بتفتح عليهم كلهم — واللي بتلمسه بس هو اللي بيتحفظ.

«حفظ وإضافة صنف تاني» بيفتح صنف فاضي بنفس القسم والوحدة — دخّل رف كامل في مرة واحدة.

بعد أي إضافة أو تعديل القايمة بتفضل مكانها وتحديدك زي ما هو، والصنف الجديد بينزل في قسمه مش في الآخر.

انت بتسمّي الخصائص والبرنامج بيولّد كل التوليفات، ولكل متغير مخزونه وباركوده وسعره وتكلفته.

سعر جملة لكل صنف، وزرار قطاعي / جملة على الفاتورة بيرجع قطاعي لوحده بعد كل فاتورة.

في الكافيه أو محل الحلويات الصورة بتلاقي الصنف أسرع من الاسم — خصوصاً للكاشير الجديد.

«اعرض صور الأصناف على زراير شاشة البيع» تحت في الإعدادات ← الأصناف (للمدير بس)؛ والصور متظبطة على المقاس فالاسم والسعر بيفضلوا واضحين، والشاشة بتفضل سريعة مع مئات الأصناف.

التكلفة والربح، وتواريخ الصلاحية، والمخزون — تلات مفاتيح شغالة افتراضياً؛ طفّي اللي محلك مش بيستخدمه وشاشة الصنف تقصر.

كل صنف برصيده وسعر شرائه وسعر بيعه وقيمة مخزونه — الناقص برتقالي واللي خلص أحمر.

امسح كل وحدة وهي نازلة من العربية، أو ضيف كمية مرة واحدة — وظبّط الرقم الغلط في اللحظة.

بنسبة انت بتحددها (10–50٪)، وبالكمية المقترحة وتكلفة الطلبية قبل ما تنزل السوق.

خيار واحد بيسيب شاشة البيع نضيفة من كل حاجة مش قادر تبيعها النهارده.

اطبع القايمة زي ما فلترتها بالظبط على طابعة الفواتير — مقسّمة أقسام، والنواقص عليها علامة، والإجماليات في الآخر.

تاريخ صلاحية لأي صنف، المنتهي أحمر والقريب برتقالي، وقايمة من 3 لـ 60 يوم قدام بالرصيد وقيمته.

زرار أحمر في الشريط اللي فوق، وتنبيه مرة في اليوم بالأسماء، وتحذير تحت السلة لو صنف منتهي نزل فيها.

المتوقع قصاد المعدود والفروق بالألوان، وبعدين اعتماد — والفروق بتتحفظ وبتتطبع بقيمتها بسعر الشراء.

من الكاشير ومن موبايلات الشغالين مع بعض، فالمحل كله بيتعدّ في ساعة الغلق.

ضيف صنف، استلم بضاعة بسعرها ومورّدها، وامسح الباركود بكاميرا الموبايل — من غير قارئ خالص.

كل مورد بعدد توريداته وإجماليها، وكل استلام متسجّل عليه بالتاريخ والتكلفة ومين استلمه.

انت مديون لكل مورد بكام، ودفعت كام، وفاضل كام.

إيجار ومرتبات وكهربا — وسطر صافي الربح في تقرير الربح، مش هامش الربح بس.

سجّل الفاتورة على اسم الزبون — جديد برقم تليفونه، أو واحد موجود عندك.

كل زبون برصيده، وإجمالي اللي ليك عند الناس، على شاشة واحدة.

دفع 200 من الـ 500 — سجّلها والرصيد بيتحرك، بالتاريخ ومين قبض.

ورقة لزبون واحد بكل فواتيره وسداداته، أو ورقة واحدة بكل اللي عليهم فلوس.

خيار واحد بيزوّد صفحة فيها تبويب الزباين وتبويب الموردين — الأسماء والتليفونات والملاحظات وآخر حركة.

اختار الزبون قبل ما تبيع فاسمه بيتسجّل على الفاتورة وبيتطبع — كاش كانت أو فيزا أو أجل.

كل زبون اشترى بكام الشهر ده، ورصيد أجله، وآخر مرة جه فيها — فتعرف تكلّم مين.

علّم «عميل جملة» مرة واحدة والفاتورة بتتحسب بسعر الجملة أول ما تختاره، وبتتطبع ومكتوب عليها كده.

مين عليه كام، وكشف الحساب، وتسجيل السداد — من لوحة المتابعة، وكل عملية باسمك.

الأصناف والخصم والخدمة والضريبة والإجمالي والمدفوع والباقي — رسالة جاهزة، انت بس بتدوس إرسال.

3 أعمدة، والشيف بيدوس على الطلب عشان ينقله، و«مسح الجاهز» بيشيل اللي اتسلّم.

الأصناف الجاهزة بتظهر مشطوبة عشان الشيف يشوف الطلب كامل، والطلب اللي مفيهوش حاجة تتحضّر مش بيظهر أصلاً.

شاشة تانية على نفس الجهاز، أو جهاز أو تابلت على شبكة المحل — وأكتر من شاشة مع بعض.

بون بخط كبير فيه رقم الطلب والطاولة والوقت والأصناف اللي بتتحضّر بس.

علّق السلة على طاولة (وبتروح للمطبخ على طول) وارجعلها بنفس الرقم لما يطلبوا الحساب.

صغير، وسط، كبير، شوت زيادة، من غير سكر — نافذة لمس وقت الإضافة، والاختيار بيتطبع على الفاتورة والبون.

الـ 12٪ المعتادة بتتضاف على كل فاتورة، بتظهر قبل الدفع وبتتطبع في سطر لوحدها — والضريبة بتتحسب زي ما المصلحة بتحسبها.

النهارده، امبارح، الأسبوع ده (بيبدأ سبت)، الشهر ده، الشهر اللي فات — أو أي تاريخين تختارهم.

إجمالي المبيعات والربح وعدد الفواتير والأصناف ومتوسط الفاتورة — في بلاطات كبيرة ملوّنة.

بالصنف وباليوم وبالساعة وبالقسم — فتعرف تطلب إيه وتحط كاشير تاني إمتى.

المبيعات والتكلفة والربح والهامش لكل صنف — وسطر صافي الربح لما المصروفات تكون شغالة.

كل فاتورة بتفاصيلها: افتحها، الغيها، اطبعها تاني، أو ابدأ منها مرتجع.

كل فاتورة متسجلة باسم اللي باعها، فيوم كل كاشير بيبقى تقرير لوحده.

أي تبويب بيتحفظ CSV بيفتح في Excel والعربي سليم — لمحاسبك، أو ليك انت.

في الميعاد اللي تحدده، الكاشير بيكتب الأصناف وفواتير اليوم وأصناف الفواتير والمخزون الحالي في فولدر على الجهاز أو على شير السيرفر — ملفات بتفتح في Excel والعربي سليم، وبيتحفظ آخر 60 يوم.

برنامج المحاسب بيقرا الأصناف والفواتير بين تاريخين وأصناف فاتورة واحدة والمخزون — قراءة بس، بتوكن انت اللي بتولّده، ومقفولة لحد ما تفتحها.

سيرفر ويب صغير جوه البرنامج — مفيش أي تسطيب: مبيعات النهارده، والمبيعات بالساعة، وآخر الفواتير، والأكتر مبيعاً، والنواقص، والمستحقات، وطلبات المطبخ.

ورا شبكة مشتركة (CGNAT)؟ الكاشير بيفتح اتصال واحد مشفّر وموبايلك بيفتح عنوانك — من غير إعداد راوتر، ومن غير ما نخزّن حاجة من بتاعتك.

شهادة SSL بتاعتك (أو واحدة مجانية من Let's Encrypt)، ودخول بحساب المدير بقفل بعد 5 محاولات، وزرار واحد بيفحص المحلي والشبكة والجدار الناري والإنترنت.

تقارير على أي فترة، والأجل والسداد، والمصروفات ومدفوعات الموردين — وكل عملية متسجلة باسمك.

أرقام اليوم بتوصل موبايلك في الوقت اللي تختاره، من غير ما تفتح حاجة.

بيتبعت من حساب الإيميل بتاعك مرة في اليوم — وانت بتختار اللي فيه: ملخص اليوم، تقرير Z، النواقص، اللي قرب ينتهي.

كافيه وهمي وبياناته بتتحرك مع الساعة — دوسة زرار وتبقى جوه، ولف في اللوحة كلها.

زرار «مصر 14٪» جاهز، والضريبة شاملة في السعر أو مضافة فوقه، ورقم تسجيلك بيتطبع على الفاتورة.

للمطاعم والكافيهات — والضريبة بتتحسب على السلع + الخدمة بالظبط زي ما المصلحة بتحسبها.

الشعار وبيانات المحل ورقم التسجيل والعميل وجدول الأصناف والخدمة والضريبة والإجمالي المستحق وخانات التوقيع — والطويلة بتتقسم صفحات.

معندكش طابعة A4؟ رقم تسجيل المحل، والعميل ورقمه، والصافي والخدمة والضريبة والإجمالي وخانة توقيع — على ورق الفواتير العادي.

بعد ما المحل يتسجّل، الإيصالات بتروح للمصلحة لوحدها و QR المصلحة بيتطبع على كل إيصال — من غير جهاز معتمد ومن غير توقيع.

النت بيقطع والبيع بيكمّل عادي — الإيصالات بتستنى في الطابور وبتطلع أول ما الخط يرجع.

البرنامج بيعرضلك الأصناف اللي لسه ناقصة كود وبيملاها من الباركود بتاعها.

لما الإيصال الإلكتروني يكون شغال، الرسالة اللي بتبعتها للزبون بتحمل لينك المصلحة لإيصاله هو.

سيب «تجهيز الأجهزة المتوصلة» متعلّم عليها وانت بتسطّب: الطابعات اللي بيعرفها — عيلة Epson TM-T20، و Citizen CT-S310II، و Bixolon SRP-350plus، ونسخ USB معروفة من Xprinter و Rongta و POS58/POS80 — بتتضاف لويندوز لوحدها، وتعريف CH340/CH341 لكابلات USB-Serial جاي مع البرنامج. نسخ الـ USB بتختلف، فموديل تاني ممكن يحتاج تعريفه.

الإعدادات ← الأجهزة بتعرض الأجهزة المتوصلة بالكمبيوتر؛ ومن هناك بتحدد منفذ COM للميزان أو شاشة العمود أو الدرج.

USB أو على الشبكة، أي ماركة — وتعريف Generic / Text Only لو التعريف عمل مشاكل.

أربع أوامر فتح، وتلات أطوال للنبضة، وتشخيص — الدرج اللي مش بيفتح مشكلة محلولة.

النوع العادي اللي بيكتب زي الكيبورد: وصّله وامسح — لا تعريفات ولا إعدادات.

سيب طابعة الفواتير للفواتير وابعت الملصقات لطابعة مخصصة ليها.

الأزرار معمولة على مقاس الصباع، بس كل حاجة شغالة بالماوس، والبرنامج كله شغال من الكيبورد.

الزبون بيشوف كل سطر وهو بينزل، وبعدين المدفوع والباقي بخط كبير — فبيصحّح للكاشير قبل ما الفاتورة تتطبع.

الشاشة الصغيرة على عمود (VFD أو LCD)، أو شاشة الأرقام LED — EPSON أو AEDEX أو عادي، وزرار اختبار بيوريك البايتات اللي اتبعتت.

أي قارئ USB شريط ممغنط أو RFID: المشرف بيمسح بدل ما يكتب كلمة سر، والكارت اللي يضيع بيتلغي على طول.

دوس على صنف بالوزن والوزن بينزل في السلة — CAS و Mettler Toledo و DIGI DS أو عام، وباختبار بيوريك البايتات الخام.

أي جهاز زيادة على شبكة المحل — وشاشات المطبخ مغطاة برخصة الكاشير نفسها.

بس لو بتعمل فواتير لشركات — غير كده الإيصال الضريبي الحراري بيعمل نفس الشغل.

كاميرا الموبايل بتمسح الرف — فالجرد مش مكلّفك جنيه أجهزة.

ويندوز 8.1 و 10 و 11 مش محتاجين حاجة؛ وويندوز 7 بيطلب .NET 4.8 مرة واحدة، مجاني من مايكروسوفت.

المدير بيعمل كل حاجة، والكاشير بيبيع — وأزرار الإدارة أصلاً مش بتظهرله.

ادّي كاشير بعينه التقارير أو المخزون أو تعديل الأصناف أو الإلغاء أو المرتجعات أو الأجل أو المصروفات أو الخروج — أو اسحب منه واحدة من الأساسية.

اللي الكاشير معندوش صلاحيته بيعدّي لو المدير كتب كلمة سره — أو مسح كارته — في نفس اللحظة.

الكاشير متسجّل على الفاتورة، فأي تقرير أو خلاف عليه اسم ووقت.

تبويب المستخدمين على بعد زرار، وبعد 3 أيام على حساب المدير لوحده بيظهر تذكير مرة واحدة يقولك اعمل حسابات للكاشيرية.

عمرها ما بتتحفظ كنص عادي — ولا حتى في النسخة الاحتياطية.

الأصناف والأرصدة والزباين بتيجي من الرئيسي، وكل فاتورة بتتبعت له، ومحدش بيقف لو الشبكة قطعت.

من غير IP ولا كلمات سر: الجهاز التاني بيلاقي الرئيسي على شبكة المحل، تكتب كود 6 أرقام، والاتنين بيتكلموا باتصال مشفّر وموقّع.

الفرعي بيلاحظ في حوالي 90 ثانية وبياخد مكانه لوحده، ولما الجهاز القديم يرجع بينزل لفرعي ويسلّم الفواتير الناقصة.

بتربط الكاشير بحساب PosMasr أونلاين بكود من 6 أرقام من تطبيق الويب بدل مفتاح الترخيص. ولو النت قطع بيكمّل بيع، والفواتير بتتبعت لوحدها أول ما النت يرجع؛ والشاشات والاختصارات والطابعة والدرج والميزان زي ما هي.

14 يومًا مجانًا بكل المميزات، وبعدها مفتاح تفعيل مرة واحدة — من غير اشتراك، ومحدش يقدر يقفله عليك من بعيد.

بيقولك انت على التجربة وباقي كام يوم، ولا أنهي باقة شغالة — وكود جهازك مع زرار نسخ وزرار «ابعت على واتساب».

حرّرها فتاخد كود تحرير؛ ابعتهولنا مع كود الجهاز الجديد والمفتاح الجديد بييجي على طول.

عربي افتراضياً، وإنجليزي على بعد خيار واحد — والفواتير والملصقات بتمشي معاه.

على النافذة والشريط اللي فوق والفواتير والملصقات — بتغيّرهم وقت ما تحب من غير ما تسطّب تاني.

كل حاجة في ملفات على جهازك — والمبيعات ملف نصي لكل يوم بيفتح في Excel أو Notepad.

لجهاز معندكش عليه صلاحيات أدمن: فكّه في فولدر ثابت وشغّله — وفولدر البيانات بيتعمل جنبه.

نسخة دلوقتي على فلاشة أو في فولدر، واسترجاع، وفتح فولدر البيانات، وإعداد النسخة اليومية — كله في مكان واحد (Ctrl+B).

علّم على اللي انت عايزه بس: الإعدادات والشعار، الأصناف والمخزون، الزباين، المستخدمين، أو سجل المبيعات.

بتتاخد عند الخروج أو قفل الوردية، في الفولدر اللي تختاره — فمحدش محتاج يفتكر.

قايمة أصنافك بتترفع مرة في اليوم عشان نرجّعهالك لو الجهاز باظ؛ والنسخة الكاملة موجودة لما تحتاجها، وتقدر توقّف ده كله. ومشاركة القايمة دي هي كمان اللي بتفتحلك الكتالوج الجاهز.

بينزّل أحدث نسخة ليك في فولدر انت بتختاره وبيفتح شاشة الاسترجاع العادية عليها — على جهاز رخصته مفعّلة.

الإعدادات ← نسخة احتياطية ← «نقل لـ PosMasr أونلاين…» بيعمل ملف واحد فيه أصنافك بصورها وزباينك ومورّدينك ومبيعاتك، ترفعه على حسابك أونلاين.

التالي، التالي، إنهاء — وأصنافك ومبيعاتك وإعداداتك بره فولدر البرنامج، فمفيش تحديث ولا إزالة بيمسحوها.

اسألني (الافتراضي)، أو تلقائي، أو أبداً — وبصمة SHA-256 بتتفحص الأول، والتحديث عمره ما بيلمس بياناتك.

مرة في اليوم، وفيه الجديد إيه — والبيع ما بيقفش لو النت مقطوع.

اكتب اللي حصل وملف نصي واحد بيترفع — من غير كلمات سر ومن غير مبيعات ولا أصناف — وتاخد رقم تذكرة تقوله لنا على واتساب.

مرة في اليوم، عشان نشوف صفحة رخصتك أول ما تكلّمنا — وتقدر تطفّيه في أي وقت.

كل شاشة مشروحة بصور حقيقية، وحد بيرد بالعربي على واتساب لما الدليل ما يكفيش.