عندك سؤال؟ إجابته هنا.

لا. بيشتغل من غير نت خالص، وبياناتك في ملفات على جهازك.

انت اللي بتختار. البرنامج اللي على جهازك رخصة مرة واحدة لكل كاشير، من 2,450 جنيه، بعد تجربة ببلاش 14 يومًا. وPosMasr أونلاين بيشتغل أونلاين على أي جهاز، بالشهر من 499 جنيه، وأول سنة بخصم 20٪ بكود AHLAN20 — شوف أسئلة PosMasr أونلاين تحت.

من ويندوز 7 وطالع، 32 أو 64 بت، من غير تسطيب معقّد. ويندوز 8.1 و 10 و 11 مش محتاجين أي حاجة زيادة؛ وعلى ويندوز 7 بتسطّب .NET Framework 4.8 مرة واحدة (مجاني من مايكروسوفت). وخفيف على الأجهزة القديمة.

أيوه (من إصدار 1.3). البرنامج فيه سيرفر ويب صغير جواه: افتح عنوانه على موبايلك — على واي فاي المحل، أو من أي مكان بعد ما تفتح منفذ واحد في الراوتر — وادخل بحساب المدير وشوف مبيعات النهارده وآخر الفواتير والأكتر مبيعاً واللي قرّب يخلص واللي قرّب ينتهي والمستحقات وطلبات المطبخ. للعرض بس، وبيتحدّث لوحده، وبيشتغل HTTPS بشهادة SSL بتاعتك. وتبويب الإعدادات فيه فحوصات بضغطة بتقولك بالظبط تصلّح إيه (الجدار الناري، الراوتر…). جرّب الديمو: دوسة زرار وتبقى جوه.

أيوه، من إصدار 1.4 — وكلها اختيارية ومتوقفة افتراضياً (الإعدادات ← الميزات): خصم على الصنف أو الفاتورة بحد للكاشير وسعر عرض؛ مرتجع جزئي مع رد الفلوس؛ ورديات بعهدة وإيداع/صرف وتقرير Z؛ دفع كاش+فيزا؛ سطر الضريبة؛ بيع بالوزن وباركود الميزان؛ أحجام وإضافات؛ طاولات وطلبات معلّقة؛ صور الأصناف؛ فواتير الموردين والمصروفات وصافي الربح؛ نسخة احتياطية تلقائية وملخص يومي على تيليجرام أو الإيميل.

أيوه (من إصدار 1.2). كل صنف ليه تاريخ صلاحية اختياري؛ المخزون بيوريه، وفيه تبويب «أصناف قربت تنتهي» بيعرض اللي هينتهي خلال 3 لـ 60 يوم، والمدير بيشوف زرار أحمر وتنبيه مرة كل يوم.

أيوه (من إصدار 1.2). خيار واحد في الإعدادات بيضيف صفحة الموردين والزباين، وزرار العميل على الفاتورة (واسمه بيتطبع عليها)، وزرار المورد عند استلام البضاعة، مع سجل توريدات لكل مورد.

الاتنين. الافتراضي عربي، وتقدر تغيّره من الإعدادات ← عام.

أيوه. الإعدادات ← عام: اسم المحل والشعار. وبيظهروا على الشاشة والفواتير والملصقات.

عملياً من غير حدود لأي محل صغير أو متوسط.

أي طابعة حرارية ليها تعريف على ويندوز، 58 أو 80 مم. اختارها من الإعدادات ← الطابعة، وجرّبها من الاختبارات ← طباعة تجريبية.

أيوه، عن طريق الطابعة (RJ11) أو منفذ COM. وفي تبويب الاختبارات فيه تشخيص بيجرّب كل أوامر الفتح لحد ما يلاقي اللي شغال.

أيوه: امسح وبيع، وامسح عشان تستلم البضاعة. أي قارئ USB بيكتب زي الكيبورد.

أيوه، بمقاسات كتير منها ملصق الصيدليات المقسوم وبكرة الـ 3 ملصقات، وفيه زرار يطبع لكل الأصناف مرة واحدة.

لا. هو معمول للمس، بس بيشتغل تمام بالماوس.

أيوه: مدير وكاشيرية، وكل فاتورة متسجلة باسم اللي باعها. ومن 2.0 تقدر تدّي أو تسحب أي صلاحية بعينها لكل كاشير (التقارير، المخزون، إلغاء فاتورة، مرتجعات، مصروفات…)؛ واللي معندوش صلاحيته بيشتغل بكلمة سر المدير.

أيوه، كخيار في الباقة البلاتينية. بعد تسجيل محلك في منظومة الإيصال الإلكتروني، بتفتح ملف الممول على بوابة المصلحة وتختار «تسجيل نظام ERP»، تكتب PosMasr ومدة الصلاحية، والبوابة بتدّيك Client ID و Secret على طول — تكتبهم في الإعدادات، وتدّي كل صنف كوده GS1 أو EGS، وكل إيصال بيتبعت لوحده، وبيستنى لو النت مقطوع، وبيتطبع عليه QR المصلحة. مش محتاج جهاز معتمد ولا توكن USB للإيصالات؛ الختم الإلكتروني للتسجيل وللفواتير بين الشركات.

عشان الكتالوج معمول من القوايم اللي المحلات بتشاركها: الـ 52,548 صنف اللي فيه موجودين لأن محلات شاركت قوايمها، فهو مفتوح للمحلات اللي بتشارك قايمتها هي كمان. المشاركة معناها إن الإعدادات ← النسخة الاحتياطية ← نسخة عند PosMasr شغالة (قايمة الأصناف أو النسخة الكاملة)، و«ارفع النسخة تلقائياً مرة كل يوم» متعلّم عليها، و«ما تستخدمش أصنافي في الكتالوج المشترك» مش متعلّم عليها. واللي بيتشارك بيانات أصناف بس — الأسماء والباركود والأقسام والأسعار والتكلفة — عمره ما مبيعاتك ولا زباينك ولا مستخدمينك ولا كلمات السر، والكتالوج عمره ما بيقول مين بيبيع إيه. وقّف المشاركة وقت ما تحب: كل اللي في برنامجك بيفضل، ومنه الصور اللي على أصنافك؛ بس مش هتقدر تختار من الكتالوج ولا تستخدم البحث بالباركود ولا «امسح وضيف» من الكاشير. الكتالوج بيشتغل إزاي

من 4.1، لو محلك بيشارك قايمة أصنافه والكتالوج الجاهز يعرف الباركود، بتفتح نافذة صغيرة فيها صورة الصنف واسمه وقسمه من الكتالوج وخانة سعر فاضية: اكتب سعرك، وبعدين Enter بيضيفه ويبيعه، و F2 بيضيفه بس، و Esc بيلغي. والكتالوج عمره ما بيحط سعر، والكاشير اللي مالوش صلاحية إدارة الأصناف محتاج موافقة المدير. غير كده بتظهر «مش موجود» العادية. وبيشتغل من غير نت. امسح وضيف في الدليل

أيوه. من لوحة المتابعة على موبايلك تقدر تعدّ الجرد وتضيف أصناف وتستلم بضاعة، وتمسح الباركود بكاميرا الموبايل (Chrome على أندرويد بـ HTTPS) أو تكتب الكود ببساطة.

أيوه — الإعدادات ← الأصناف ← استيراد (CSV). صدّر الأول عشان تاخد القالب، املاه في Excel، احفظه CSV UTF-8 واستورده؛ الأصناف الموجودة بتتحدّث والخانات الفاضية بتسيب قيمتها. وكمان من 2.0 فيه متغيرات ألوان/مقاسات، رسوم خدمة، ضريبة 14٪ جاهزة، وفاتورة A4.

أيوه، من 2.1 (الباقة الفضية أو أعلى). وصّل شاشة تانية بجهاز الكاشير، اخلي ويندوز على وضع «توسيع»، وعلّم على «شاشة العميل» في الإعدادات ← الميزات: الزبون بيشوف كل سطر بالعدد والسعر والإجمالي وهو بيتحسب، والإجمالي النهائي، وبعد الدفع المدفوع والباقي — زي شاشات السلاسل الكبيرة.

أيوه، من 2.2 (الذهبية أو أعلى): فعّل «مستويان للسعر»، اكتب سعر الجملة للأصناف، ودوس «قطاعي / جملة» قبل البيع — أو علّم على الزبون «عميل جملة» والتحويل بيحصل لوحده.

أيوه: احفظ كود QR حسابك كصورة، اختاره من الإعدادات ← الميزات، وبيظهر على شاشة العميل وهو بيطلب (وعلى الفاتورة لو حابب). الزبون يمسحه بموبايله والفلوس بتروح لحسابك على طول؛ البرنامج بس بيعرض الكود.

لأ. من 2.3، الإعدادات ← الأصناف ← استيراد من نسخة قديمة بتلاقي نسخ PosMasr / CSG POS القديمة على الجهاز (أو بتتصفّح لملف products.txt القديم) وتجيب الأصناف الجديدة والأسعار المتعدلة من أي إصدار من 1.0. أصنافك الحالية والكاشيرية والإعدادات والمبيعات مبتتمسش.

من 2.2: جهاز رئيسي وجهاز فرعي على شبكة المحل. الفرعي بياخد الأصناف والأرصدة والزباين من الرئيسي وبيبعت له كل فاتورة، ولو الشبكة قطعت الفواتير بتتخزّن وتتبعت بعدين. الرخصة التانية بخصم 40٪.

أيوه، بشاشة «مين عليه كام»، وتسجيل السداد، وكشف حساب بيتطبع لكل زبون.

زرار الفيزا بيسجّل إن الفاتورة اتدفعت بالفيزا وبيطبع كده على الفاتورة. الربط المباشر بماكينة البنك بيختلف حسب البنك والموديل، ومش جزء من البرنامج.

أيوه، على نفس الجهاز أو على جهاز تاني بالشبكة. شوف صفحة شاشة المطبخ.

في ملفات نصية في فولدر data على جهازك، ومش بتتبعت على النت أبداً. وتقدر تفتحها بـ Excel كمان.

خد نسخة احتياطية على فلاشة من جوه البرنامج، ورجّعها على الجهاز الجديد — كلها أو الجزء اللي انت عايزه.

اختار باقتك من صفحة الأسعار ودوس «اشتري بالكارت». هيوصلك إيميل فيه لينك التحميل ولينك التفعيل. افتح البرنامج ← الإعدادات ← الاختبارات ← حالة الترخيص، انسخ كود الجهاز، والزقه في صفحة التفعيل، والمفتاح يظهرلك على طول. مش هتدفع بالكارت؟ كلّمنا على واتساب وهنبعتلك نفس الإيميل.

الإعدادات ← الاختبارات ← حالة الترخيص، هتلاقي كود الجهاز. اشتريت بالكارت؟ الزقه في لينك التفعيل اللي في الإيميل والمفتاح يظهرلك. غير كده ابعتهولنا وهنبعتلك المفتاح. اكتب المفتاح، وخلاص نهائي على الجهاز ده.

أيوه. خد نسخة على فلاشة، حرّر الرخصة على الجهاز القديم (بيدّيك كود RL)، سطّب على الجديد، استرجع، وابعتلنا كود RL مع كود الجهاز الجديد عشان المفتاح الجديد. والكاشير التاني، ونقل الأصناف بس لمحل تاني، كل واحد ليه ترتيبه — التلات شروحات، مع إيه اللي بيرجع وإيه اللي مش بيرجع، في قسم 34 من الدليل.

تقدر تدير كل حاجة من متصفح الموبايل، لكن القبض محتاج كاشير: برنامج الكاشير على كمبيوتر، أو تطبيق PosMasr للكاشير على تابلت أو جهاز أندرويد. الديمو بس هو اللي بيبيع من المتصفح. البداية خطوة بخطوة.

من الكاشير نفسه مش من المتصفح: افتح برنامج الكاشير على الكمبيوتر اللي الطابعة متوصلة بيه، وبعدين الإعدادات ← الأجهزة. على ويندوز الطابعات الـ USB المشهورة بتتظبط لوحدها. إزاي.

الفريق ← المستخدمين ← حساب كاشير جديد: اسم وباسورد ومجموعة صلاحيات جاهزة. كل واحد ليه حسابه، عشان كل فاتورة يبقى عليها اسم. الموظفين خطوة بخطوة.

الإعدادات ← الموديولات بتشغّل أو تقفل الأجزاء اللي في باقتك أصلاً ببلاش. الاشتراك ← الباقة هو المكان اللي صاحب الحساب بيغيّر منه الباقة أو يشتري إضافة بالشهر. الإضافات والموديولات.

بتختار باقة من الاشتراك ← الباقة. مفيش حاجة من اللي دخلتها بتضيع؛ ولحد ما تدفع المحل بيبقى قراءة بس — والتقارير والتصدير شغالين.

نفس الكاشير، أونلاين. الكاشير برضه بيبيع على جهاز في المحل بنفس الشاشات والطابعة والدرج؛ الفرق إن المحل عايش أونلاين: بتفتحه من أي متصفح على كمبيوتر أو موبايل أو تابلت من غير ما تجهّز حاجة، وبيتحدّث لوحده وليه نسخة كل يوم، والكاشير الجديد بيتربط في دقيقة، وكل الكاشيرات بتشارك الأصناف والمخزون لايف، والفروع تحت حساب واحد. بالشهر من 499 جنيه، و14 يوم مجاناً. صفحة PosMasr أونلاين ←

لا. الكاشير محتفظ بأصنافك وأسعارك وزباينك ودخول الكاشيرية على الجهاز؛ لما الخط يقطع بيبيع ويطبع ويفتح الدرج عادي، برقم فاتورة مؤقت، ولما يرجع الفواتير بتتزامن بالترتيب — من غير تكرار. اللي بيستنى النت هو صفحات الإدارة بس (تعديل الأصناف، الإعدادات، التقارير، الموبايل). بيشتغل إزاي، في الدليل ← · لما النت يقطع ←

5 باقات للمحل في الشهر: أساسي 499 (كاشير واحد، مستخدمين اتنين، لحد 300 صنف)، كاشير 999 (الأجل والورديات وضبط الفلوس)، محل 1,999 (كاشيرين، مخزون وموردين وملصقات وميزان)، بيزنس 2,500 (4 كاشيرات، مطبخ وطاولات، إيصال إلكتروني، والمنيو الأونلاين والطلب من الطاولة والمتجر الأونلاين)، سلسلة 5,000 وفوقها 750 لكل فرع زيادة. وبكود AHLAN20 أول 12 شهر بخصم 20٪ على كل باقة وإضافة وفرع (أساسي 399، كاشير 799، محل 1,599، بيزنس 2,000، سلسلة 4,000). والكتالوج الجاهز ولوحة الموبايل والنسخ اليومية في كل الباقات؛ وفي كاشير ومحل المميزات الأونلاين إضافات: منيو أونلاين 100، طلب من الطاولة بـ QR بـ 100، متجر أونلاين 300 في الشهر. الباقات ←

اكتب الكود AHLAN20 وانت بتسجّل، أو في صفحة الاشتراك قبل أول دفعة: وأول 12 شهر من اشتراكك يبقوا بخصم 20٪ — على كل باقة وإضافة وفرع زيادة. بالكود أساسي بـ 399 بدل 499 جنيه في الشهر، وكاشير 799 بدل 999، ومحل 1,599 بدل 1,999، وبيزنس 2,000 بدل 2,500، وسلسلة 4,000 بدل 5,000؛ وبعدها السعر العادي. كود واحد لكل محل، والخصم مش بيتحط لوحده: من غير كود بتدفع السعر العادي.

أيوه، في PosMasr أونلاين. المنيو الأونلاين على posmasr.com/menu/اسم-محلك بأسعار الكاشير نفسها؛ وكود QR على كل طاولة بيخلّي الزبون يطلب أو ينادي الويتر أو يطلب الحساب، والموظفين بيأكّدوا، والمطبخ بيستلم، والطاولة ليها حساب واحد لحد ما تدفع — والدفع بيفضل مع موظفينك، على الطاولة أو الكاشير. والمتجر الأونلاين على posmasr.com/shop/اسم-محلك بياخد طلبات بالدفع عند الاستلام. جوه بيزنس وسلسلة، وإضافات على كاشير ومحل. بيشتغل إزاي ←

بالفيزا عن طريق Stripe (بتتجدد لوحدها؛ وشيل الكارت وقت ما تحب) — ولو مش هتدفع بالفيزا، كلّمنا ونتفق معاك على طريقة تانية. ولو الدفع اتأخر بتاخد 7 أيام مهلة، وبعدها المحل للقراءة بس لحد ما تدفع: مفيش بيع جديد، بس كل تقرير وفاتورة وتصدير شغالين، والكاشيرات بترجع خلال ثانية من الدفع.

كمبيوتر لكل كاشير — برنامج PosMasr أونلاين على ويندوز 10 أو 11 (وماك ولينكس نسخة تجريبية)، أو برنامج PosMasr في وضع الأونلاين على ويندوز 7 وطالع — وخط نت وهوت سبوت من الموبايل كبديل، وأجهزتك المعتادة: أي طابعة حرارية، درج، قارئ USB، ميزان، شاشة عميل. والموبايل والتابلت بيفتحوا كل صفحات الإدارة في المتصفح، من غير ما تسطّب حاجة.

قريب: الاستقبال الذكي جاي مع التحديث الجاي كإضافة على بيزنس والسلسلة (بـ 750 جنيه في الشهر). بيرد على رقم واتساب بيزنس بتاعك من أصنافك وأسعارك ومخزونك ومواعيدك الحقيقية، وبيفهم الريكوردات وصور ورق الطلبات، ومابينزّلش طلب أو حجز غير لما الزبون يأكّد — أو بيسلّم المحادثة لموظفينك.

أيوه، في PosMasr أونلاين: الإعدادات ← الموديولات بتعرض كل موديول في باقتك — المخزن، والعملاء، والحسابات، والموظفين، والحجوزات، والمتجر الأونلاين، والمشتريات، والمخازن، والمشاريع، والأصول الثابتة — بمفتاح. المقفول صفحاته بتختفي من القوايم والبحث السريع، ومفيش حاجة بتتمسح. والمديرين بيشغّلوها لكل فرع؛ والبيع والكاشير شغال على طول. بيشتغل إزاي.

أيوه، أونلاين. إدارة المشتريات: طلبات شراء بحدود موافقة لكل فرع، وعروض أسعار من كذا مورد بلينك، وأذون استلام، وفاتورة المورد بتتطابق مع الأمر والاستلام. والمخازن: مخزن ورا، ومخزن رئيسي، وعربية، وتحويلات بتتابعها في الطريق، وتشغيلات وسيريالات. الاتنين في بيزنس والسلسلة، ولباقة محل كإضافات: المشتريات بـ 300 والمخازن بـ 300 جنيه في الشهر. من الكاشير للـ ERP.

أيوه، أونلاين، بموديول المشاريع: كل شغلانة طويلة بعميل وموقع وقيمة عقد وميزانية متقسّمة على مراحل؛ ومهام على لوحة؛ وساعات الفريق من الموبايل بكشف ساعات أسبوعي؛ وتكاليف من المصروفات والمخزن والموردين؛ وفواتير على المراحل أو نسبة الإنجاز أو الوقت والخامات، بالمحتجز والمقدم، عن طريق الحسابات أو حساب العميل؛ والميزانية قصاد الفعلي والهامش لكل مشروع. ومش أوامر الشغل — دي بتفضل تذاكر الكاونتر اللي بتخلص في أيام. في بيزنس والسلسلة؛ ولمحل كإضافة بـ 300 جنيه في الشهر. المشاريع · المقال.

أيوه، أونلاين، بموديول الأصول الثابتة: سجل بملصقات كود باركود، وإهلاك شهري بيتسجّل في الحسابات بعد معاينة (قسط ثابت أو متناقص)، والبيع أو التخلص بالمكسب أو الخسارة، والنقل بين الفروع، وجرد الأصول بمسح الأكواد بالموبايل. ومحتاج الحسابات، فهو جزء من بيزنس والسلسلة (ولمحل معروض كإضافة بـ 200 جنيه في الشهر، تنفع لما الحسابات تبقى موجودة). وصفحة الأصول القديمة في الحسابات اتنقلت جواه بنفس القيم الدفترية. الأصول الثابتة · المقال.

أيوه، من نسخة 5.7.0 في الباقة الذهبية (والبلاتينية): طلبات شراء بموافقات، وأمر الشراء من الطلب، والاستلام، وفاتورة المورد بتتطابق مع الأمر والتوريدات، و«فواتير محتاجة مراجعة»، وأعمار ديون الموردين، وشاشة رئيسية للمشتريات — على جهاز واحد ومن غير نت (الإعدادات ← الميزات ← المشتريات). أما عروض الأسعار من كذا مورد بلينك ففي PosMasr أونلاين بس. التحميل · المقال.

قريب. الربط جاهز وبيتفعّل واحد ورا واحد أول ما نخلّص تجهيز كل برنامج: قيد مبيعات اليوم لكل فرع، وعملاء الأجل وفواتيرهم وإشعاراتهم الدائنة ودفعاتهم بيروحوا البرنامج لوحدهم، كل واحد مرة. ودفترة بتتربط بمفتاح API بتاعك انت. جزء من بيزنس والسلسلة. ولحد ساعتها تصدير المحاسب (Excel وCSV) شغال في الباقات اللي فيها. الربط.

قريب، بحساب Paymob بتاعك: «ادفع أونلاين (كارت / محفظة)» في المتجر الأونلاين جنب الدفع عند الاستلام، ولينك «ادفع دلوقتي» من دفتر الأجل باللي على الزبون. والطلب مابيتحسبش مدفوع غير بعد ما Paymob يأكّد. ورسوم Paymob عقدك انت معاهم؛ واحنا مابناخدش حاجة على أي دفعة. جزء من بيزنس والسلسلة. Paymob.

أيوه: برنامج الكاشير لأندرويد بيشغّل نفس الكاشير الأونلاين على التابلت والأجهزة اللي بأندرويد 9 وطالع (سامسونج وSunmi وiMin)، بيبيع والنت قاطع، وبيطبع على طابعة USB أو بلوتوث أو شبكة أو اللي جوه الجهاز، والكاميرا بتبقى قارئ باركود. نزّله من هنا · والتفاصيل في المقال.

أيوه. في المحل الجديد، «جرّب ببيانات تجريبية» بيملاه أصناف وزباين وموردين و25 يوم فواتير من نوع محلك، فكل تقرير وتنبيه يبقى عنده حاجة يعرضها؛ ودوسة واحدة بتشيل ده بالظبط، وأول فاتورة حقيقية برضه رقمها 1. بيشتغل إزاي.

PosMasr أونلاين، أيوه: كل صفحات الإدارة بتفتح في المتصفح على أي كمبيوتر، وبرنامج PosMasr أونلاين بيبيع على الكاشير على ماك (macOS 14 Sonoma وأحدث) أو لينكس (Ubuntu 24.04 وDebian 13 وMint 22 وأحدث) — نسخة تجريبية دلوقتي، من صفحة التحميل. أما برنامج PosMasr المكتبي (النسخة اللي من غير نت) فشغال على ويندوز بس.

الإعدادات ← الكاشيرات ← «اربط كاشير» في المتصفح بتطلّعلك كود من 6 أرقام صالح 10 دقايق؛ اكتبه في برنامج الكاشير مع اسم للكاشير ده، وبيظهر متصل في القايمة خلال ثانية. الكود بيتكتب على الكاشير ومش بيتبعت لحد. والجهاز اللي ضاع بتلغي ربطه من نفس الصفحة.

على سيرفرات برّه مصر: Amazon Web Services في ميلانو بإيطاليا (الاتحاد الأوروبي)، بنسخة كل يوم، ومبتتوصلش غير على اتصال مشفّر. ولما توافق على شروط الاستخدام بتكون موافق إنها تتخزّن وتتعالج برّه بلدك؛ والشركات اللي بتساعدنا مكتوبة في سياسة الخصوصية. الإعدادات ← البيانات ← «تحميل نسخة» بتدّيك كل حاجة في ملف واحد — بصيغة نسخة البرنامج المكتبي، طريقك لنسخة المرة الواحدة — في كل الباقات وحتى بعد ما توقف الدفع، ونفس الصفحة بتمسح الحساب لما تحب. بياناتي في أمان أونلاين؟ ← · بياناتك بتاعتك ←

في الاتجاهين. في البرنامج المكتبي، الإعدادات ← النسخة الاحتياطية ← «نقل لـ PosMasr أونلاين…» بيعمل ملف واحد فيه أصنافك بصورها وزباينك ومخزونك وتاريخك؛ ارفعه وانت بتسجّل (أو بعدين من الإعدادات ← البيانات) والمحل الأونلاين بيبدأ منه (والباقة اللي تقابل باقتك بتبقى مختارة). وعشان ترجع، نزّل النسخة المكتبية من الإعدادات ← البيانات ورجّعها على الجهاز. النقل خطوة بخطوة ←

محل واحد بكاشير أو اتنين، وعايزه يشتغل من غير نت خالص، وتفضّل تملك البرنامج: الرخصة على جهازك. مش دايماً في المحل، أو أجهزة وفروع كتير، أو كاشيرات عايز تزوّدها في دقيقة، ومش عايز تفكّر في نسخ احتياطية ولا تحديثات: الأونلاين. والاتنين ليهم تجربة ببلاش، وبياناتك بتتنقل بينهم في أي اتجاه. المقارنة جنب بعض ← · أنهي واحدة تناسب محلك · إزاي تختار كاشير