كاشير فاهم الطاولات والأحجام والمطبخ
خد الطلب على الطاولة أو الكاونتر، ابعته لشاشة المطبخ أو طابعة البون، حط الخدمة 12٪ والضريبة 14٪ بالطريقة المصرية، وتابع الكافيه من موبايلك.
شاشة مطبخ أو طابعة مطبخ
الطلب بيوصل للشيف لحظة ما يتحسب: جديد ← بيتحضّر ← جاهز على شاشة، أو بون على طابعة حرارية تانية. طلبات المشروبات الجاهزة مش بتزعج المطبخ.
طاولات وتعليق وأحجام وإضافات
علّق طلب على طاولة 4، ضيف كابتشينو كبير بشوت إضافي، قسّم الحساب كاش وبطاقة، واطبع فاتورة A4 لغدا الشركة.
شاشة عميل بـ QR للدفع
الزبون بيشوف الطلب وهو بيتكتب، والإجمالي، وكود InstaPay بتاعك — خلاص على «كام ده؟».
الكافيه من موبايلك
مبيعات لايف، أكتر المشروبات مبيعاً، عهدة الوردية، ومين عليه فلوس — من البيت أو من الفرع التاني.
الخدمة والضريبة والإيصال الإلكتروني
خدمة 12٪ وضريبة 14٪ بضغطة، شاملة أو مضافة، والإيصال الإلكتروني لمصلحة الضرائب بالـ QR لما تكون مسجّل.
كاشيرين، كافيه واحد
كاشير تاني على البار بيشارك المنيو والمخزون مع الرئيسي على الواي فاي، بخصم 40٪.
اختار «كافيه» أو «مطعم» في أول تشغيل
اختيار نوع المحل بيفعّل لك الطاولات والأحجام والإضافات ورسوم الخدمة والمطبخ. وكل حاجة بتتغيّر بعدين من الإعدادات.
- فواتير حرارية 58 أو 80 مم بشعارك
- حسابات كاشيرية وورديات بتقرير Z عند القفل
- بيشتغل من غير نت؛ بياناتك على جهازك
