الساعة 11 بالليل في المنصورة
حسن عنده محل برجر وكبدة جنب الجامعة في المنصورة. ليلة الخميس أحسن ليلة عنده وأوحش ليلة: الكاونتر مليان، والمطبخ شغال، وواتساب المحل فيه أربعين رسالة ماتقرتش. «فيه كبدة النهارده؟»، «الوجبة بكام؟»، «3ayez 2 burger w batates». والواد اللي على الكاشير بيرد بين زبونين، متأخر ربع ساعة، ونصهم كانوا طلبوا من المحل اللي قصاده.
المشكلة مش في المنيو ولا في الأسعار؛ الاتنين عند حسن على PosMasr أونلاين أصلاً. المشكلة إن بني آدم واحد مايقدرش يبيع على الكاونتر ويكتب على واتساب في نفس الوقت. ودي شغلانة الاستقبال.
الطلب بيمشي إزاي
- الزبون بيكتب على رقم المحل بالعامية أو الإنجليزي أو الفرانكو: «عايز 2 برجر وبطاطس» أو «3ayez 2 burger w batates». والرسايل السريعة ورا بعض بتتقري مع بعض كطلب واحد.
- المساعد بيدوّر على الأصناف في منتجات المتجر الأونلاين بتاعك: الاسم، وسعر النهارده، والخلصان، والأحجام والإضافات بأسعارها. عمره ما بيألّف سعر ولا صنف.
- بيبعت عرض: الأصناف، ومصاريف التوصيل لمنطقة الزبون، والإجمالي، محسوب بنفس طريقة المتجر الأونلاين بالظبط، ومعاه زرارين تأكيد وتعديل.
- الزبون يكتب «أيوه» أو يدوس تأكيد. ساعتها بس البرنامج بيقرا الأسعار والمخزون تاني، وبيسجّل الطلب من خلال checkout المتجر الأونلاين نفسه: دفع عند الاستلام، وبقواعدك (انت اللي بتقبل أو قبول أوتوماتيك)، ويظهر على الكاشير، وبتذكرة المطبخ بتاعته.
- الزبون بياخد رقم الطلب والإجمالي والحالة، وبعدين رسالة مع كل تغيير: اتقبل، خرج، اتسلّم، أو اترفض.
والاستقبال بيرد كمان على الأسئلة اللي حوالين الطلب: المنيو، والأسعار، فاتحين ولا لأ، وعنوانك بلينك الخريطة، وإجاباتك انت اللي بتكتبها في إعداداته. والرسايل البسيطة — سلام، «شكراً»، «انتو فين»، «فاتحين؟» — بتاخد رد جاهز من غير ذكاء اصطناعي خالص.
القواعد اللي مابتتكسرش
- المساعد عمره ما بيأكّد طلب لوحده ولا بيقول إن حد دفع. التأكيد كلمة من الزبون، والبرنامج هو اللي بينفّذها، مش الذكاء الاصطناعي.
- السعر اللي اتغير بيتسأل عليه تاني. لو سعر اتحرك أو صنف خلص بين العرض والـ«أيوه»، الزبون بياخد عرض جديد والسؤال تاني. و«أيوه» اتبعتت مرتين عمرها ما بتعمل طلبين.
- العرض عايش 30 دقيقة. ولما المحل يبقى قافل، الطلب بيتسجّل على ميعاد الفتح، حسب مواعيد المتجر الأونلاين.
- حد يومي. ردود المساعد في اليوم: 200 في بيزنس، و600 في السلسلة، و30 في التجربة، و20 في الساعة للزبون الواحد. بعدها المحادثة بتروح لفريقك، عمرها ما بتتساب معلّقة.
- الـ 24 ساعة بتوع واتساب. الرد الحر بيتبعت بس خلال 24 ساعة من آخر رسالة من الزبون؛ بعدها رسالة حالة الطلب بس، بقالب متوافق عليه من Meta. ومفيش رسايل تسويق، خالص.
تشغّله إزاي
- ظبّط المتجر الأونلاين الأول، من الإعدادات ← أونلاين ← المتجر: مناطق التوصيل ومصاريفها، وأقل طلب، والاستلام من المحل، والمواعيد. الاستقبال بيستخدمهم زي ما هم، مكان واحد ليهم كلهم.
- افتح الإعدادات ← الاستقبال ← وصّل واتساب: رقم WhatsApp Business بتاع محلك على WhatsApp Cloud API الرسمي من Meta. بتلصق Phone number ID وتوكن دائم والـ App secret، وتحط رابط الـ webhook وكود التحقق اللي في الصفحة جوه Meta، وتدوس اختبر الاتصال. وبنمشي معاك فيها بمكالمة أو على واتساب.
- الاسم وطريقة الكلام: اسم المساعد، وودود أو رسمي أو مختصر، وسطر ترحيب. وإجاباتك: لحد 30 سؤال وجواب بتوعك، زي «فيه ركنة؟» أو «الكبدة إسكندراني؟».
- مين يرد: ابدأ بـمسودات (المساعد يكتب وفريقك يبعت) أو تجربة (أوتوماتيك بس للأرقام اللي بتكتبها، زي رقمك انت)، وبعدين انقل لـأوتوماتيك لما تطمّن.
والصفحة بتوريك إيه الجاهز وإيه الناقص (الأسئلة، والطلبات، والحجوزات، والفويس، والصور)، وتصلّحه منين. والخطوات كاملة في الدليل، والميزة كلها في صفحة الاستقبال.
اللي لسه مش موجود
• جاي مع التحديث الجاي، مش موجود في حسابك النهارده.
• دفع عند الاستلام بس. الزبون مابيدفعش جوه الشات.
• مفيش حملات ولا رسايل تسويق. بيرد على الزباين اللي بيكلّموك.
• رقمك انت من خلال Meta. محتاج رقم WhatsApp Business بتاع محلك متوصّل بـ WhatsApp Cloud API من Meta.
• لسه: قوايم أصناف تتقلّب جوه واتساب، ورسايل تذكير بالحجز على واتساب.
• مش موجود في البرنامج على جهازك؛ ده جزء من PosMasr أونلاين.
أنهي باقات فيها
الاستقبال إضافة على بيزنس والسلسلة، وموجود في تجربة الـ 14 يوم. وسعره 750 جنيه في الشهر.
| الباقة | الاستقبال | ردود المساعد في اليوم |
|---|---|---|
| أساسي، كاشير، محل | — | — |
| بيزنس | إضافة، 750 جنيه في الشهر | 200 |
| سلسلة | إضافة، 750 جنيه في الشهر | 600 |
| التجربة | موجود | 30 |
والطلبات محتاجة المتجر الأونلاين شغال، وده جوه بيزنس وسلسلة. والمقارنة كاملة في صفحة PosMasr أونلاين.
أسئلة سريعة
المساعد ممكن يغلط في السعر؟
الأسعار جاية من منتجات المتجر الأونلاين بتاعك، والإجمالي بيحسبه البرنامج مش الذكاء الاصطناعي، وبيتراجع تاني لحظة «أيوه» الزبون.
ولو الزبون عايز يكلّم بني آدم؟
يكتب كده، والمحادثة بتروح لفريقك على طول؛ شوف الفويس والصور والتحويل لفريقك.
بياخد حجوزات كمان؟
أيوه، لو شغال بـالحجوزات أونلاين: بيعرض المواعيد الفاضية، ويحجز الميعاد، والزبون يأكّد بنفس الطريقة.
الرسايل بتتحفظ قد إيه؟
90 يوم، هي والصور. وصاحب المحل يقدر يمسح محادثة زبون من الوارد.
خلّي واتساب يرد وانت بتبيع
الاستقبال جاي مع التحديث الجاي. ابدأ تجربة الـ 14 يوم من بيزنس النهارده، من غير فيزا، وظبّط المتجر الأونلاين: هو المنيو اللي الاستقبال بيقرا منه.
أول سنة بخصم 20٪ على كل الباقات والإضافات — بالكود
