فرعين أو عشرة، وأصناف وأسعار واحدة
سلسلة المحلات وسلسلة المطاعم بيخلّوا كل الفروع على نفس الأصناف والأسعار، وكل فرع بمخزونه وكاشيراته، والبضاعة بتتنقل بين الفروع بإذن مترقّم. وعشان كله أونلاين، تقرير الفروع قدامك على موبايلك وانت في أي مكان: كل فرع في سطر والإجمالي تحت. والفرع الجديد مش محتاج سيرفر: جهاز وكود من 6 أرقام، وبيبيع في دقيقة.
أصناف وأسعار مركزية
بتعرّف الصنف مرة لكل الفروع، وكل فرع يقدر يختلف في السعر في اللي تسمحله بيه — وتقفل الباقي.
مخزون لكل فرع
كل فرع ليه مخزونه وحد الطلب بتاعه، وقايمة نواقصه، وجرده من الموبايل.
تحويلات بين الفروع
البضاعة بتخرج من فرع وتدخل التاني في خطوة واحدة، بإذن مترقّم تطبعه، والكاشير في الفرع اللي استلم بيشوفها على طول.
لحد 30 كاشير و30 مستخدم
لحد 30 كاشير و30 حساب على كل الفروع، وكل كاشير زي التاني — مفيش جهاز رئيسي ولا شبكة تظبطها.
تقرير واحد لكل الفروع
كل فرع في سطر والإجمالي تحت: المبيعات، الصافي، الفواتير، متوسط الفاتورة، المرتجعات، الخصومات، الربح، والكاش والفيزا والأجل، يوم بيوم، وملف CSV تنزّله.
أونلاين في كل فرع
المنيو الأونلاين والطلب من الطاولة والمتجر الأونلاين في كل فرع، وأكواد QR للطاولات مطبوعة من عندنا (طقم لكل فرع في السنة، لحد 40 كود).
الفروع والتحويلات
كل فرع باسمه وعنوانه وتليفونه وكاشيراته، والتحويلات بينهم متسجلة برقم وتاريخ وقيمة:
- فرع جديد بيتضاف من الإعدادات ← الفروع، وبيتحسب من الدورة الجاية
- التحويل بيقلل مخزون فرع ويزوّد التاني في نفس العملية — أو، مع المخازن، بيمشي «في الطريق» لحد ما الفرع التاني يعدّه ويستلمه
- لوحة النهارده فيها اختيار الفرع: كل الفروع أو فرع واحد، وبتفتكر اختيار كل مستخدم — واللي شغال على فرع واحد بيشوف فرعه بس
- كل فرع بيبيع لما النت يقطع عنده، ويزامن بعدها
من غير رسومات: الفروع زي ما هتشوفها
أنهي باقة، وبكام — وكلهم أونلاين
سلسلة المحلات · سلسلة المطاعم
- لحد 10 فروع جوه السعر، وكل فرع بعد العاشر بـ 65 في الشهر للمحلات، و125 للمطاعم
- أصناف وأسعار مركزية، مخزون لكل فرع، تحويلات، وتقرير الفروع
- كل مميزات البلاتينية في كل فرع: الورديات والتقرير اليومي، وللمطاعم المطبخ والطاولات
- المتجر الأونلاين، وللمطاعم المنيو والطلب من الطاولة، وأكواد QR مطبوعة
في كل باقة: مفيش سيرفر تجهّزه ولا تحديثات تنزّلها — الجزء الأونلاين بيتحدّث لوحده، وبياخد نسخة احتياطية كل يوم. بتفتح المحل من أي متصفح على كمبيوتر أو موبايل أو تابلت ومن أي مكان، والكاشير الجديد بيتربط في دقيقة بكود من 6 أرقام، والبيع بيكمّل لما النت يقطع. البيع نفسه بيبقى من برنامج الكاشير على كمبيوتر ويندوز، أو ماك أو لينكس بالنسخة التجريبية، والموبايل والتابلت بيعملوا كل الباقي.
لحد 3 فروع؟ البلاتينية بتاخدهم (البلاتينية للمحلات بـ 375 أو البلاتينية للمطاعم بـ 749 في الشهر)، ولما تفتح الفرع الرابع رقّي لـ سلسلة المحلات أو سلسلة المطاعم من الاشتراك ← الباقة: وبتشتغل أول ما تدفع، والفروع اللي بعد العاشر بتتحسب من الدورة الجاية.
أسئلة سريعة
فرع النت عنده قطع — بيحصل إيه؟
الكاشير في الفرع ده بيكمّل بيع وطباعة برقم فاتورة مؤقت، وبيزامن بالترتيب لما الخط يرجع. الفروع التانية مش بتتأثر.
الفرع الزيادة بيتحسب إمتى؟
لحد 10 فروع جوه سعر الباقة، وكل فرع بعد العاشر بيزوّد 65 جنيه في الشهر للمحلات أو 125 للمطاعم، من الدورة الجاية — والصفحة بتقولك قبل ما تحفظ.
ينفع فرع يبيع بسعر مختلف؟
أيوه، في اللي انت تسمحله بيه: الأصناف والأسعار مركزية، وكل فرع يقدر يختلف في السعر لو سايبه مفتوح.
أعرف أجرّب السلسلة؟
التجربة 14 يوم من البلاتينية (البلاتينية للمحلات أو البلاتينية للمطاعم)، وفيها لحد 3 فروع. عايز تجرّب أكتر من 3؟ كلّمنا على واتساب.
