فرعين أو عشرة، وأصناف وأسعار واحدة
باقة سلسلة بتخلي كل الفروع على نفس الأصناف والأسعار، وكل فرع بمخزونه وكاشيراته، والبضاعة بتتنقل بين الفروع بإذن مترقّم. وتقرير الفروع بيحطهم كلهم قدامك: كل فرع في سطر والإجمالي تحت.
أصناف وأسعار مركزية
بتعرّف الصنف مرة لكل الفروع، وكل فرع يقدر يختلف في السعر في اللي تسمحله بيه — وتقفل الباقي.
مخزون لكل فرع
كل فرع ليه مخزونه وحد الطلب بتاعه، وقايمة نواقصه، وجرده من الموبايل.
تحويلات بين الفروع
البضاعة بتخرج من فرع وتدخل التاني في خطوة واحدة، بإذن مترقّم تطبعه، والكاشير في الفرع اللي استلم بيشوفها على طول.
كاشيرات وحسابات بلا حد
كل فرع بكاشيراته وحساباته من غير حد، وكل كاشير زي التاني — مفيش جهاز رئيسي ولا شبكة تظبطها.
تقرير واحد لكل الفروع
كل فرع في سطر والإجمالي تحت: المبيعات، الصافي، الفواتير، متوسط الفاتورة، المرتجعات، الخصومات، الربح، والكاش والفيزا والأجل، يوم بيوم، وملف CSV تنزّله.
أونلاين في كل فرع
المنيو الأونلاين والطلب من الطاولة والمتجر الأونلاين في كل فرع، وأكواد QR للطاولات مطبوعة من عندنا (طقم لكل فرع في السنة، لحد 40 كود).
الفروع والتحويلات
كل فرع باسمه وعنوانه وتليفونه وكاشيراته، والتحويلات بينهم متسجلة برقم وتاريخ وقيمة:
- فرع جديد بيتضاف من الإعدادات ← الفروع، وبيتحسب من الدورة الجاية
- التحويل بيقلل مخزون فرع ويزوّد التاني في نفس العملية
- لوحة النهارده فيها اختيار الفرع: كل الفروع أو فرع واحد، وبتفتكر اختيار كل مستخدم — واللي شغال على فرع واحد بيشوف فرعه بس
- كل فرع بيبيع لما النت يقطع عنده، ويزامن بعدها
من غير رسومات: الفروع زي ما هتشوفها
أنهي باقة، وبكام
سلسلة
- أول فرع جوه الـ 5,000، وكل فرع بعده بـ 750 في الشهر
- أصناف وأسعار مركزية، مخزون لكل فرع، تحويلات، وتقرير الفروع
- كل مميزات بيزنس في كل فرع: المطبخ والطاولات والورديات والتقرير اليومي
- المنيو والطلب من الطاولة والمتجر الأونلاين، وأكواد QR مطبوعة
محل واحد لسه؟ ابدأ بباقة بيزنس بـ 2,500 في الشهر، ولما تفتح الفرع التاني رقّي لسلسلة من الاشتراك ← الباقة: السلسلة بتشتغل أول ما تدفع، والفروع الزيادة بتتحسب من الدورة الجاية.
أسئلة سريعة
فرع النت عنده قطع — بيحصل إيه؟
الكاشير في الفرع ده بيكمّل بيع وطباعة برقم فاتورة مؤقت، وبيزامن بالترتيب لما الخط يرجع. الفروع التانية مش بتتأثر.
الفرع الزيادة بيتحسب إمتى؟
أول فرع جوه سعر الباقة، وكل فرع بعده بيزوّد 750 جنيه في الشهر من الدورة الجاية — والصفحة بتقولك قبل ما تحفظ.
ينفع فرع يبيع بسعر مختلف؟
أيوه، في اللي انت تسمحله بيه: الأصناف والأسعار مركزية، وكل فرع يقدر يختلف في السعر لو سايبه مفتوح.
أعرف أجرّب السلسلة؟
التجربة 14 يوم من باقة بيزنس بفرع واحد. عايز تجرّب بفرعين؟ كلّمنا على واتساب.
