الدليل

17تابع المحل من موبايلك (جديد في 1.3)

البرنامج فيه سيرفر ويب صغير جواه (لا IIS ولا أي تسطيب). شغّله وافتح عنوانه على موبايلك: مبيعات النهارده والأسبوع والشهر، المبيعات بالساعة، آخر الفواتير، الأكتر مبيعاً، اللي قرّب يخلص واللي قرّب ينتهي، المستحقات، وطلبات المطبخ — وبيتحدّث كل 30 ثانية. للعرض بس، وبتدخل بحساب المدير.

على واي فاي المحل — 3 خطوات

1. الإعدادات ← تبويب المتابعة عن بُعد ← علّم على تشغيل خادم الويب ← حفظ وتشغيل. العنوان بيظهر، مثلاً http://192.168.1.35:8090/.
2. دوس فتح المنفذ في الجدار الناري ووافق على رسالة ويندوز (مرة واحدة). من غيرها الموبايل على الواي فاي مش هيوصل.
3. افتح العنوان في متصفح الموبايل (على نفس الواي فاي)، ادخل باسم المدير وكلمة السر، وضيف الصفحة على الشاشة الرئيسية.

من بره المحل

وجّه المنفذ في الراوتر (Port Forwarding) لجهاز الكاشير. زرار شرح فتح المنفذ في الراوتر بيشرحها خطوة خطوة، وزرار فحص من الإنترنت بيطلب من posmasr.com يجرّب يوصل لمحلك ويقولك مفتوح ولا مغلق وإيه عنوانك العام. ولو الـ IP العام بيتغيّر، سجّل اسم DDNS مجاني (No-IP أو DuckDNS) واكتبه في «العنوان العام».

PosMasr Link — من أي مكان من غير إعداد الراوتر (3.2)

شركات النت في مصر بقت تحط أغلب المحلات ورا عنوان مشترك (CGNAT)، فتوجيه المنفذ في الراوتر ما بقاش بيوصل للكاشير، والـ IP الثابت ما بقاش بيتباع. PosMasr Link بيحل ده: الكاشير بيفتح اتصال واحد مشفّر خارج لخادمنا link.posmasr.com ويفضل فاتحه، وموبايلك بيفتح https://link.posmasr.com/XXXXXX/ (مكان XXXXXX الكود بتاعك) من أي مكان — نت الموبايل، واي فاي تاني، محافظة تانية. مفيش أي إعداد في الراوتر ولا DDNS ولا شهادة.

1. الإعدادات ← المتابعة عن بُعد ← انزل لـ PosMasr Link ← علّم على تشغيل PosMasr Link ← حفظ. سطر الحالة بيقول متصل بـ link.posmasr.com خلال ثواني.
2. عنوانك وكود QR بتاعه موجودين هناك: امسح الـ QR بكاميرا الموبايل (أو نسخ وابعته لنفسك)، افتحه، وضيف الصفحة على الشاشة الرئيسية.
3. ادخل بنفس اسم المدير وكلمة السر بتوع لوحة المتابعة — وصفحتا المخزون والإدارة شغالين من خلاله برضه.

HTTPS بشهادة SSL بتاعتك

علّم على HTTPS في نفس التبويب واختار الشهادة: ملف .pfx/.p12 بكلمة سره (بتتحفظ متشفّرة)، أو شهادة من مخزن شهادات ويندوز — وده الأسهل مع شهادات Let's Encrypt المجانية عن طريق win-acme، وهو بيجدّدها لوحده. فحص الشهادة بيوريك الاسم والجهة المُصدِرة والانتهاء وهل بتطابق عنوانك العام. واللي يكتب http:// على نفس المنفذ بيتحوّل https لوحده. الشهادة لازم تكون باسم نطاق (اسم الـ DDNS)، مش IP.

حاجة مش شغالة؟

دوس تشخيص كامل: السيرفر ← محلي ← الشبكة ← الجدار الناري ← الإنترنت، بعلامات ✓/✗ وطريقة الإصلاح لأول حاجة تفشل. والإعدادات المتقدمة (سيبها عادةً): المنفذ، الاستماع على IP واحد، الشبكة المحلية بس، عناوين مسموحة، مدة الدخول، وسجل الطلبات.