حذف حسابك في PosMasr

1. ادخل على app.posmasr.com من أي متصفح، أو افتح تطبيق PosMasr Till.
2. افتح الإعدادات ← البيانات. لو عايز نسخة من بياناتك نزّلها الأول من المتصفح (التنزيل مش بيشتغل جوه تطبيق الأندرويد).
3. في حذف الحساب علّم على «أنا فاهم إن الحساب هيتحذف» واضغط حذف الحساب.
4. بنستنى 7 أيام لو غيّرت رأيك، وتقدر لحد ساعتها تضغط إلغاء الحذف من نفس الصفحة. بعد الـ 7 أيام الحساب بيتقفل وبنمسح بيانات المحل خلال 30 يوم.

المستخدم بتاعك تبع المحل، فمفيش زرار تحذفه بيه بنفسك. اطلب من صاحب المحل أو المدير يعطّلك من الحسابات ← تعطيل، ودخولك بيتقفل على طول. ولو عايز اسمك وإيميلك يتمسحوا كمان، ابعت لـ legal@bytesglue.com من الإيميل المسجّل بيه حسابك. بنوصّل الطلب للمحل (لأن السجلات بتاعته) وبنرد عليك خلال 30 يوم.

ابعت لـ legal@bytesglue.com (أو واتساب +1 650 442 5630) من إيميل صاحب الحساب، واكتب اسم المحل واطلب حذف الحساب. بنتأكد إن الإيميل ده بتاع صاحب المحل، وبنرد خلال 3 أيام شغل، وبنحذف الحساب بنفس الطريقة وبعد نفس الـ 7 أيام.

• كل سجلات المحل: الأصناف والأسعار، والمخزون، والمبيعات والفواتير، والمرتجعات، والعملاء وأرصدتهم، والموردين، وأوامر الشراء، والمصروفات، والورديات، والموظفين وملفاتهم، وطلبات الدليفري والأونلاين، ومحادثات الاستقبال على واتساب.
• كل المستخدمين ودخولهم، والكاشيرات والأجهزة المربوطة، وإعدادات المحل واتصالاته.
• الملفات والصور المرفوعة: صور الأصناف، وصور الفواتير، والمستندات.

• الفواتير اللي إحنا عملناها لمحلك على اشتراك PosMasr وسجلات الدفع بتاعتها: المدة اللي قانون المحاسبة والضرايب بيلزمنا بيها (5 سنين).
• سجل صغير إن الحذف حصل (اسم المحل، وإيميل صاحب المحل متخبّي جزء منه، والتواريخ)، بنحتفظ بيه نفس مدة الفواتير دي، عشان نقدر نرد على أي سؤال عنه بعدين.
• النسخ الاحتياطية: بتنتهي لوحدها — اليومية خلال 35 يوم والشهرية خلال 12 شهر. النسخة الاحتياطية بنستخدمها بس لو حصل عطل عندنا، ومحل اتحذف عمره ما بيرجع منها.
• الإيصالات والفواتير الإلكترونية اللي اتبعتت لمصلحة الضرايب المصرية بتفضل عند المصلحة، وإحنا منقدرش نمسحها.

• مسح تطبيق PosMasr Till من الجهاز مش بيحذف حسابك. بيمسح اللي التطبيق شايله على الجهاز ده بس: ربط الكاشير وأي مبيعات لسه متبعتتش — فاتأكد إن مفيش حاجة مستنية تتبعت قبل ما تمسحه.
• لو وقفت الدفع: لما التجربة أو الاشتراك يخلص من غير دفع، الحساب بيبقى للعرض بس، وبياناته بتتمسح بعد 90 يوم بنفس الطريقة (وبنبعتلك إيميل قبلها بـ 30 و7 ويوم). ولو عايزها تتمسح أسرع ابعتلنا.

أسئلة: legal@bytesglue.com أو واتساب +1 650 442 5630. إيه اللي بنحتفظ بيه وليه: سياسة الخصوصية.

انظر أيضاً: سياسة الخصوصية · شروط الاستخدام